ابشرك طيّب

[ماجد الزيد]

ليتك رحلت ولا بقى شيء منّك=كلك بقيت ولنْت منّي قريّب
خذيت روحي راية ٍ في اسنّك=وتقول ابيك بخير , شفني مغيّب
مابيك تسأل بس انا اسألك عنّك=وكانك حبيبي بخير , ابشرك طيّب
عايش على خبرك ولا خاب ظنّك=والله ولا غيرك بقلبي حبيّب
بالقلب ولاّ في عيون ٍ فدنّك=والله ولين آصير عود ٍ شويّب
مامن قلبي لو عنا الوقت منّك=فدوة خفوقك ينثر الحب صيّب
احب كلك ليه , اعلّمك لانّك=حبيب قلب ٍ عنْك , ماهو رغيّب
انا القتيل وكنّك الموت كنِّك=خيّبت ظن ٍ فيك ما يوم خُيِّب

[شجون القصيد]

لله الله

يامساءاااات الشعر

صح لسانك ماجد

قمة الجمال والعذوووبه

ارويتنا شعرا لافض فوووك

دائما مبدع

تحياتي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[ابو أنس]

الفاضل ماجد الزيد................
عذوبة وجمال وجزاله تحملها نصوصك الجميله
سعدت كثيرا بقراءتي هذا النص
وطربت له
تحيتي وودي

[صوت الإحساس]

الله الله




يالطيف يا ابو زيد ما ألذ وما أعذب هالهطووووووووول




صح لسانك وكلك



وحفظك الله من كل باس


احبك فالله

[حي الضمير]

ياسلام يابوحمد شاعر من طراز نادر
وابدعت وامتعت حيل يانجم
سجل الاعجاب والتقدير الدائم
وملياااار صح لساااانك

[أم ريما]

صح لسااااااااااانك

قصيده رائعه وجميله


يعطيك العافيه ولاهنت


تحياتي لك

[عبدالله مذكر العقيلي]

صح لسانك

وعلاشانك

والله لايهينك



تحيتي

[محمد عبدالله البدراني]

اخي العزيز الغالي ماجد الزيد سلمه الله
مليون مليون صح السانك
وعلا شانك

قلت واجزلت
قافية جميله وابيات جزله ولاغرو فهي من لدن ماجد


لاعدمناك يابو حمد

تحيتي وتقديري

[داعي الشوق]

صح بدنك ملييوووووووووون يا بو حمد

مبدع دائما و رائع

ولاهنت