نـو ر ا لـسـو ر ا ة

[محمد بن عمار]

السلام عليكم ...
مشاركتي هالمرة قافية
معسوفة .. و أنا اعشق عسف
القوافي بهالطريقة ههههه

نـور الـسـوراة

ما أحد ٍ على هالمستديرة تمشّى = ولا رأت عيني مثل زولها قط !!!
بياضها غيم ٍ ... مخيله .. تنشـّا = من عمرها والكحل في العين ما إنحّط
ومجدولها ما يندهن .. أويرشـّا = شعره حرير ٍ ينتثر ... ما يمشـّط
طراة جسم ٍ .. والعظم فيه هشـّا = ليمن مشت .. من الليونة تعفـّط
في كفـّها نور السوا رة .. تغشـّا = عيني وصار الجو .. عندي منقـّط
إلاطرت لي هاج فكري و. وشـّا = وقامت عفاريتٍ بوجهي . تنطـّط
أذكر الى قالت . تفضل تعشـّا = من غير تكليف ٍ عشاها يقلـّط
يوم إنها تضحك .. بوجه ٍ يبشـّا = والخد من زايد حياها امبشـّط
قدر . عليها وطشّت الحب طشـّا = عذولنا اللي عقب ضعفه تنشـّط
وصارت حقيقة سرّنا اللي تفشـّى = مقلب !!! ولا أحد ٍ فيه غيري تورّط

محمد بن عمار

[ماجد المهدي]

صح لسانك يابن عمار

قصيدة جزله ومعاني طيبه وقافيه رائعه

لا هنت

تحياتي

ماجد المهدي

[نجم الإبداع]

الله الله

صح قلبك يابن عمار

سعدت بان اكون من اوائل مصافحي هذه الباسقه

ابدعت ياشاعر

ولاهنت


تقبل مروري

وودي

[عبدالله الشويمان]

يا اخ محمد بن عمار...

صح السانك يا الغالي

قصيده رائعه بقافية اروع..وكأن القصيده لغز..

لله درك على هذه الجزاله..والمعنى ببطن الشاعر..

لا هنت اخوي..

[ابومياس]

طراة جسم ٍ .. و العظـم فيـه هشّـا
......................ليمن مشت .. مـن الليونـة تعفّـط

اعتقد ان الواو سقطت سهواً يابوعمار

نص جزل المعاني القافية

رائع الاسلوب

صح لسانك وبيض الله وجهك

دمت بخير

[سعيد الصاعدي]

الاخ الفاضل/ محمد بن عمار
صح لسانك لاهنت
قصيدة رائعه وقافيه اروع
تقبل تحياتي
أخـــــــــوك
س / ص

[صعبة المنال]

قصيدة رائعة


صح لسانك



صعووب

صح لسانك ولاهنت على هالجزله

تحياتي و تقديري لك

[حي الضمير]

هالقصيده كلش فيها من قافيه عسره ومعاني قويه وعذوبه ودقه في التصوير

وش خليت ياعملاق ابدعت ابدعت ابدعت

وصح لسااااانك مليون يابن عمار

[داعي الشوق]

الله الله عليــــــــــك يالشاعر محمد بن عمار

رائعه وجزله من شاعر دائم جزل

صح لسانك مع تحياتي لك ،،،