ردي على بعض الهروج ابتسامه !

[شجون القصيد]

متواضعه ارجو ان ترتقي لذائقتكم

ردي على بعض الهروج ابتسامه = والبعض ياما عنه غضيت طرفي
ماني ضعيفه اشهد اني علامه = لكن رفيعة قدر والمجد شفي
اذا تمادى جاهلٍ في كلامه = اعطيه جوّه واترفّع واعفي
من خاطب الجاهل لحقه الملامه = دستورنا قولة سلامٍ مصفي
اضحك ولا هو من ردات وغشامه = يبطي عذولي مالمح يوم ضعفي
الرجل ماتمشي بدرب الندامه = ابصم على درب المعالي بكفي
والقلب ماقاده هواه وغرامه = ولا سيّره جهلٍ ولا زود عنفي
شعر الغزل طاروق ماهو هيامه = خيال صغته في ثمانين صنفي
اذا بدعت القاف وبل الغمامه = وان كانها بالنثر فالقول يشفي
انا شجون ومسندي بالشهامه = قمة هل الطولات من غير حلفي
شيخٍ توّشحه المراجل وسامه = صفوة رجالٍ وقت الاسقام تعفي
رباني بعلمه وزايد نظامه = حكيم ربعه في ديانه وعرفي
واللي تعلا في حياته مقامه = لا خاطبه جاهل سلامه بيكفي

[الطائر المهاجر]

والنعم بك يابنت الرجال
ولكن الجاهل ما يستحق السلام
لأنه يبي يكرر جهله ، فلابد من كيه
صح لسانك
ولا هان راسك
تحياتي

[منيع]

ماشاء الله
عزة نفس وابداع متجدد
كل الثنا والتقدير لكم
تحياتي

[عبدالعزيز البليهد]

سلمتي ومنطق العقل منطوقك

عزالله كفو ولعلم المربي الفاضل بقوله تعالى : (وعباد الرحمن الذين يمشون على الأرض هونا وإذا خاطبهم الجاهلون قالوا سلاما ). ...


صح لسانك واعتلا شانك

[ترانيم المطر]

كفووووووووو شجون

وماعليك السفينه تسير والكلاب تنبح

سيري ترعاك رعاية الرحمن

دمت بود

[سناعيس]

انا شجون ومسندي بالشهامه = قمة هل الطولات من غير حلفي
شيخٍ توّشحه المراجل وسامه = صفوة رجالٍ وقت الاسقام تعفي
رباني بعلمه رفيعٍ نظامه = حكيم ربعه بالديانه وعرفي

[/quote]

كفو كفو
سلمتي ودمتي والف نعم فيك وفي من على الطيب والعفه رباك
وصح لسانك ولله درك على هذه الرائعه والجزله
لاهنتي

تحياتي

[حي الضمير]

قصيده مميزه
وابدعتي شاعرتنا الرائعه شجون
ومليار صح لسانك

[حوريه]

صح قلبك يا شجون

أبدعتي وبدعتي 00

دمتي ودام حرفك 00

0

0

[(ابو ريم)]

ونعم فيك وفي اهلك وربعك .... غصب على الي ما يرضى .
صح لسانك ياحكيمه .
تقبلي تحياتي

[سعيد مقبل الأكلبي]

كلامك دليل رجاحة عقلك ياشجون القصيد
لاعجمتي ولاهفيتي يابنت الرْجال