قطرات ..لمنصور المري

[الطامي]

((1 ))
قصيده بها بيت وضع كلغز (( من يعرف الحاجه ))

وقلبي يتله صافي الخد تل اطروش =قضوا حجهم وموادع البيت والبا
ذبحني بخد وقد واعيون عكش ارموش=وحاجه فريده دائما تقتفي اللبا (1)
هواجيس قلبي دائما ضمدن واتقوش = تقول الغضي قفى وانا اقول لاهبا

((2))

محلاك يالفت(ن) صعدنا لثانيك = فيه الغضي شميت ريحه وحبيت
بسرعه صعدنا ثم نزلنا لتاليك =ثم ارتفعنا وافترقنا وحييت
هذا الحكي كنه رواية تتانيك = مثله صحيح ايصير ليت استمريت

والبقيه تأتي
بس لاتنتقدون المطوع ترى هذا زمان الجهاله

[الطائر المهاجر]

بس لاتنتقدون المطوع
يالمطوع لا تطوع لو تشوف خديد ساره = تطبق المصحف وتعجل بالصلاة
وحاجه فريده دائما تقتفـي اللبـا (1) ( اللبا ... هنا تقصد بها العقل او شئ ثاني)
لاهنت
تحياتي

[الطامي]

اااااااااه
ايها الطاير

لبيك نفداك يالطاير الغالي = جعل السلامه لك ولا تشوف مكروه
اقرا بعد لبيك وش ياحلالي = كلمة فديتك لاتلفظ بها فوه

انتهى الدوام
وانتو بتأخروني وبعدين بيقفلون الباب دوني وانا ابغي السلامه
الله يعين المعدد مثلنا

[الطائر المهاجر]

الله يعين المعدد مثلنا
يعني تصدر على غربين؟

[الطامي]

السلام عليكم
د. العثمان
لاهنت وتسلم اناملك

[الطامي]

بيتين من الشعر لأحد الجماعه بعد ماكبر وبين به الشيب ولمت به الأمراض قال هذه البيتين التي تعبر عما هو فيه وكان مخفيه
وكان رجل فحل اتى للدنيا وحده وعاش وحده ومات وقبر وحده (( رحمه الله رحمة واسعه ))

بان شيب الراس والوجه شانت كشرته= وين ذاك الزين يالله بحسن الخاتمه
ذي اسبور الموت بانت وبين فرته = اظهرت شي بقلبي من اول كاتمه

هادي القاشوطي البحيح المري

[الطائر المهاجر]

الله يغفر له ويرحمه وهذا طريق كلنا سالكينه
ومن قصيدتي : جففي كل الدموع
كلنا نولد فـرادا نصـرخ بلحظـة ولاده= وكلنا نرحل احادا غيرنـا يبكـي علينـا

الرجل ماهو بزين الوجه ينسف غرته = ولا هو اللي يهاب الموت يعلن ماتمه
الرجل بالفعل والذكر الحسن في جرته = جاء وحيد ولازم انه مثلها في عاتمه

صح لسانه ، ورحمه ربه
بس تراك خالفت القاعدة
لأنه هنيا لازم ابياتك انت
لاهنت يالغالي
تحياتي الطيبة

[الطامي]

انا اسفففففففففففففففففففففففففففف ففففففففففففف جدا
لم اقصدها
ولا تهون اذا لها مكان اخر انقلها له
ودي لك ومحبتي

[الطائر المهاجر]

حط بعدها بيتين او اربعه توضح فلسفتك في الحياة ، وخلاص
لاهنت
تحياتي

[الطامي]

د. الطاير
اين القي وجهي من حقوق الغير
فأما ان تبغى مثل ماهي
او ابني على نظمها مثله وأستشهد بها مثلا
والأن من له خاطر تبغون تجهدوننا واحنا اللي فينا كافينا
الله المستعان
عموما يسعدني مرورك واقتراحاتك وعلى صدري مثل العسل
ودي الك مع ذاعر الطيب ،، ولا هنت على اقتراحاتك
وانااهمومي مع كل اشعيب ،، واتروح مني بطلاتك