كثر البلا بالزمان وكثر واقزامه

[صنداح الزلامى]

كثر البلا بالزمان وكثرو اقزامه = حرية الراي بالله ويش ناتجها
حرية الراي غير الشرع واحكامه = والشرع حرم على الحرمة تبرجها
وشعب السعودي ودستوره وحكامه = فتوى بغير الشريعة مايخرجها
نتبع رسول الهدى فتواه ونظامه = مناهج الرسل ننهل من مناهجها
وان كان ابه ناس لوامه هدامه = صوت الحقيقه ومبداء الحق يفلجها
يبطي عظم ماتحقق له من احلامه = سواقة البنت وافكارٍ يروجها
وحرية الراي بعض احيان ظلامه = ان ماتبنت مصيبه ماتعالجها
كم عالم ٍ حطته في وسط دوامه = دوامة العنف والحسرة وواهجها
باع الشرف والعفاف وكثرت اوهامه = وجته المصايب تدالج مع مدالجها
واصبح يغطي على وجهه بهندامه = والنفس تمطر غضب والقهر يدهجها

[الآكيد]

صح لسانك على هذا الاحساس بهذا العالم المتجه الى الهاويه

[حوريه]

صح لسانك صنداح على غيرتك لبنت البلد
والله يكتب اللي فيه الخير والصلاح
دمت ودام احساسك
تحيتي لك مع التقدير

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[داعي الشوق]

صح لسااااااااانك يا بو محمد

قصيدة وافيه و جزلة

من شاعر وافي يرسم الابداع بطريقة لا يتقنها الا صنداح ،

لله درررررك يا مبدع

وصح لسانك مدد

ولا هنت

***********

[الراقي]

صح فكرك

صح بيانك

ودام حرفك ..

و صح لسانك

[ابو أنس]

أخي صنداح...................
نسأل الله السلامه...
وهذه دعوى ليست على ظاهرها
فقد دفع بها البعض عندما فشلت دعوتهم لشق الصف واللحمه لهذا البلد في مظاهرة (حنين)
وهم يعلمون ان هذه القضيه يختلف فيها الرأي ولها مناصرون كثر
ولكن نسأل الله ان يرد كيد كل من يكيد لهذا البلد وأهله ونسائه
وان يحمي بلادنا وبلاد المسلمين من كل مكروه
نص جميل من شاعر جميل
تحيتي وودي

[عمر ال شيبي]

ما تجيب الا المفيد
صح لسانك وعان الله بلاد المسلمين

[صنداح الزلامى]

المشاركة الأصلية كتبت بواسطة الآكيد

صح لسانك على هذا الاحساس بهذا العالم المتجه الى الهاويه

صح الله بدنك وشكرأ لك على الاعجاب


كن بخير حال

[صنداح الزلامى]

المشاركة الأصلية كتبت بواسطة الطائر المهاجر

كتبت فأبدعت واجزلت
صح لسانك ولا هنت
تحياتي الطيبة

صح الله بدنك والف الف شكر على سجل اعجابك

كن بخير حال