شالك من الارض ورضخ بك .

[حمود جارالله المزيني]

ليا بلاك الله بلك خبلٍ ثقيل = له زندٍ أربع بوص وكتوفٍ كبار
مايفهم من السالفه حتى القليل = ولايحب المعـْـرفه والإبتكار
من وين ماهبت به الهوجا يميل = مايعترف في شيّ ٍاسمه إنتظار
شالك من الارض ورضخ بك حيل حيل = واتلى عليك كفوف وبقوسٍ كثار
خلاك بعـْـده للذي يقدر يشيل = الله لايبلى كن صايـبـْــك انفجار
شالوك والدمـّــان من راسك تسيل = عشرين غرزة كنها ملعاط نار
من بعدها خذيت لك شهـْـرٍ عليل = ياكن فوقك طايحٍ أكبر جدار
لامرتكب ذنبٍ دقيق ولا جليل = الخبل جاك وبعدها حالك دمار
راحوا هل الخير سألوه وهم قليل = قالوا : وش القصة معاكم ويش صار ؟
قال اسكتوا هذا بخيل أأأآآآ بخيل = عيـّـا عليّ ومطلبي ماهن كثار
من اولٍ يصنع لأجلي المستحيل = مالي شغل بالليل والا بالنهار
جيته وقال اصبر ترى ما بالصميل = الا الفقر .. يومين وابشر يا ....
سمعت انا اللي قال ويله ثم ويل = أنا اخو .... لافلوس ولا وقار
رضـّـيت هذا رضةٍ ماله مثيل = تقدح عيوني يوم ارضــَــه من شرار
قالوا : حرام انك على المسلم تعيل = اللّي تكبـّـر مرجعه يصبح صغـَــار
قام وخذا العجرا وخلاهم نثـيـل = واحد على الاخر وبعـْـض القوم طار
واللّي بقى به روح أقفى لك يميل = متـْــكسـّـر راسه مثل كسر الفخــار
يقول غلطان اللي ايقول: ( الهبيل = هذا ..) الهبيل اللي يتحكك بالقطار
مذكورةٍ ( حكمه ) لجيلٍ بعد جيل = الداب وشجرته عنه أبعد يسار
حرمدهم مهلهل يكبـّر بتهليل = مامنهم اللّي سالمٍ من يوم ثار

وسلامتكم ..

[منيع]

هههههه
صح السانك
ومن هذه الشاكله ناس اكثار
شكرا لكم
تحياتي

[حمود جارالله المزيني]

هلا اخي : منيع
صدقت .. شكرا على الرد الحلو

[رفيعة الشان]

اليا بلانا الله به
بنختفي
مانقول الا الله المستعان
صح الله لسانك على هذه الطريفة
سلمت ودمت

[حمود جارالله المزيني]

هههههههه
شكرا اختي

[الطامي]

هههههههههه
المزيني
صح السانك الف الف
رائعة جدالا
والله لايبلانا
شكرا لك

[حمود جارالله المزيني]

أخي : منصور المري
أشكـــــــــرك .. وفقك الله

,

[وليد أحمد]

جميله استاذى

[حمود جارالله المزيني]

أهلا أخي أحمد .. أنت الجمل
تحيتي

[حمود جارالله المزيني]

أخي أحمد : عفوا : أنت الأجمل
ماانتبهت للخطأ إلا بعد مضي وقت التعديل ..