الــــــداء والــــــدواء

[شجاع عمر الأكلبي]

جديدة على الكيبورد

مزاجي اليوم فيه من الزعل جايح=وعلاجها في الخلا في تختخ ٍ خالي
مانيب خبل ٍ دلوبج دايـم ٍ طايـح=هم المراجل بقلبي مشغـل ٍ بالـي
فيالله بنو ٍ حقوق ٍ غـادي ورايـح=وبله مبارك يروّي الأرض لاسالي
تسعين ليل ٍ وسيله بالثرى سايـح=يكسي نباته سهول الأرض وجبالي
ريحه مع كل فـج ٍ ذايـع وفايـح=نبت الطبيعة يجيك ألوان وأشكالـي
لاشمّة اللي مريض ٍ مبطي ٍ طايح=يشفيه بأمر الإله الواحـد الوالـي
وتسمع لطير الخلا من فرحته نايح=صوت الطرب يزعجه مع كل موّالي
وتشوف نشر البدو مع طلعة الضايح=وضو ٍ تذلق وصوت الماو ودلالي
وجمعا نشاماً جذبهم دنّة الصايح=صياح نجر ٍ يدنـّه زند رجالي
في مجلس ماذكر به كيفهم بايح=مجلس كريم ٍ لضيفه يصخي الغالي
أنا أشهد إن ذا مناة العاقل السايح=سياحة العز ماهي سياحة إذلالي
إعداد وبل المزون وبرقه اللايح=صلوا على من بعثه الله مرسالي

[مبروك بن ماضي]

الاخ الفاضل الشاعر / شجاع عمر الأكلبي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[شجاع عمر الأكلبي]

الأخ الغالي مبروك بن ماضي

صح بدنك ولاهنت على كريم مرورك


وأرجو إضافة كلمة ( كل ) في الشطر الثاني من البيت السابع ليصبح ( صوت الطرب يزعجه مع كل موّالي ) حيث سقطت سهواً

تقديري لك

[زهرة اللوتس]

الشاعر شجاع عمر الاكلبي
سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[حي الضمير]

الله الله ابدعت حيل يامتمكن
ولله درك ياشجاع وربي امتعتنا وعوايدك يابحر
وملياااااار صح لسااااااانك

[داعي الشوق]

صح لسانك يالشاعر شجاع

و ما نقول الا اللهم آمين

الله يجيب المطر والسيل

قصيدة وافيه و جزله يا شجاع

صح لسانك مدد بلا عدد

مع التحية لك

[حوريه]

الشاعر شجاع

قصيده جزله من شاعر جزل

صح لسانك .....

ولاهنتــــ.......

[الـزلـزال]

شجاع الأكلبي
قصيده مميزه ورائعه ومتقنه
من شاعر عودنا على تقديم كل جزل ومتقن
مبدع شاعرنا وممتع دائمآ
طاب لي المقام بين حنايا هذة الرائعه
صح لسانك ملايين ملايين
ولك فائق تحياتي وتقديري

[سناعيس]

شجاع الاكلبي
صح لسان ولله درك
دائما تمتعنا بجزل القصيد
لاهنت


تحياتي

[الطائر المهاجر]

سلمت وسلم فكرك
دائما جزل ومتجدد الإبداع
صح لسانك ولا هنت
تحياتي الطيبة