ذكــرى الوطـــن

[شجون القصيد]

ذكرى الوطن مرحبا مليون هالساعه = جيتي وهل السعد ماناض بارقها
وان كانها للوطن فالنفس مطواعه = تطرب وتبدع من الابيات لايقها
تسعه وسبعين عام الخير بأنواعه = في ظل حكم السعود الحب مغرقها
في دار عزٍ على اهل الدين واتباعه = اهل الشرف والكرامه ذي حقايقها
ديار أمن وامان الله لمن طاعه = ايامها بالهنا ساوت دقايقها
بقيادة اللي له الارواح سماعه = عين السعد للبلد ذلل عوايقها
سخر حياته لبيت الله ومرباعه = والنهضه اللي نشوفه من وثايقها
سليل شيخٍ ولا هزه ولا راعه = جاها بشرع الولي وأمن طرايقها
المركب اللي من اول يومي شراعه = مابين فاقد عشاه وبين بايقها
جاها الموحد وسل السيف بذراعه = ارسى السفينه وصار الامن سايقها
تمشي تهادى مثل ماتمشي الساعه = سبحان ربٍ مشوقها وشايقها
وعدوها اللي يعادينا مع اشياعه = نفسه يدور من يطفي حرايقها
اليوم نعلن بتلفازه ومذياعه = جنحان الارهاب بتّرنا سبايقها

[حمود السكراني]

شجون القصيم صح لساااااااااااااانك وعلا شأنك


ربي يحفظ بلدنا من كل مكروه ويحفظ ابومتعب

[عذب القوافي]

قصيد جميل في وطن غالي علينا جميعا ً صح لسانك شجون القصيد

أبدعتي يالغالية

مودتي ,,,,,,

[الطائر المهاجر]

رائعة من شاعرة رائعة
ومتجددة الإبداع
والوطن يستحق اكير
صح لسانك وفكرك
ودام ابداعك
تحياتي الطيبه

[نفحات حساسة]

تمشي تهادى مثل ماتمشي الساعه

سبحـان ربٍ مشوقهـا وشايقهـا

صح السانك يالغاليه..ولاهنتى

الله يحفظ وطنا ويديم عليها الامن والامان..تحياتى لكى

[منيع]

ابيات اكثر من رائعه
ويستحق الوطن كل خير
شكرا لكم
تحياتي وتقديري

[داعي الشوق]

صح لسانك يالشاعرة شجوون

مشاعر وطنية غامرة

و معاني لها حس وطني رائع

في قصيدة جميلة

سبك وحبك

لله درررررررك

شاعرة رائعة و صاحبة إبداع رائع

صح لسانك مدد

مع التحية لك و التقدير

[نجم الإبداع]

صح لسانك شاعرتنا الجزله

شجون

مصافحه وطنيه رائعه

لاهنتي

تقبلي مروري

وتقديري


وكل عام وانتي بخير

[الراقي]

لاَفُض فُوكَ شَاعُرنتا القَدِيرة..

قَصِيدة حَاكت الجَمال ~

صح لسانك

^^^^^^^^^^^

[عبدالله راشد الثويني]

أختي الغاليه / شجون القصيد
صــــح لسانك مليووووووووون ولا يكفون
كفيـتي ووفيتي . نص وطني راقي كـ..رقيّ حضورك
تسلم يمناك على ماخطت
سائل المولى القدير ان يديم نعمه الامن والامان
تحيتي