لغز متعوب عليه

السلام عليكم

لغز يا الربع ولا اضنه يصعب على الي مثلكم

انشدك عن بنت تراودلهابيـت=تدخل وتطلع ماوطت في قدمها
تتقن مهمتهابـدق المواقيـت=يفطن لهااللي خايف من عدمها
يزورهارجل لياقالـت اوفيـت=جاواستلم محصولهاواستلمهـا

[سناعيس]

لغزك رائع ياخالد
وعندي هالرمعه ان ما وافقت فلاتعلم أحد هههههههههههه

بطاقة الصراف ياذايع الصيت=هي رمعة اللي ظنته هو فهمها
من جت له وجيبه فلابه حتاحيت=تقول مشقوقه وشيء(ن) عرمها

تحياتي

المشاركة الأصلية كتبت بواسطة سناعيس

لغزك رائع ياخالد
وعندي هالرمعه ان ما وافقت فلاتعلم أحد هههههههههههه

بطاقة الصراف ياذايع الصيت=هي رمعة اللي ظنته هو فهمها
من جت له وجيبه فلابه حتاحيت=تقول مشقوقه وشيء(ن) عرمها

تحياتي

مالك لوا يا سناعيس

رمعتك ماهي يا ولد ما تمنيت = البنت ما شيفت ولحد كتمها
ماهي بوحده تتعب ان كان عديت = ماني مبينه وكاشف علمها

[خالد العمري]

أنا عندي لك رمعة وأتمنى إنها تصيب

كرت دخول الدوام

فديتك يالغالي

المشاركة الأصلية كتبت بواسطة دار القلوب

أنا عندي لك رمعة وأتمنى إنها تصيب

كرت دخول الدوام

فديتك يالغالي

قرت الدخول اسم مذكر وهي بنت = وشلون يا دار القلوب اتحرفها
يفداك من عاداك ليتك تمعنت = عساه ما يخطفك رجل خطفها

[خالد العمري]

فديتك يالغالي

أنا أدري بالمضمون ونغيرها

من ..... كرت

إلى .... بطاقة دخول الدوام ..


لآهنت وبنحاول في غيرها ..

[الطائر المهاجر]

هذي والله العالم الشمس
والرجال القمر ، فهو ليلا يستلم
منها النور ويعكسه لنا

المشاركة الأصلية كتبت بواسطة دار القلوب

فديتك يالغالي

أنا أدري بالمضمون ونغيرها

من ..... كرت

إلى .... بطاقة دخول الدوام ..


لآهنت وبنحاول في غيرها ..

الله يغليك ويكثر محبينك = منته بحوله ولا حلك يحاليله
ليتك عرفت الاشاره مع عناوينك = لوشافنا الطير قال انته مواليله

المشاركة الأصلية كتبت بواسطة الطائر المهاجر

هذي والله العالم الشمس
والرجال القمر ، فهو ليلا يستلم
منها النور ويعكسه لنا

مالك لوا والحل ماهو بحولك = يالي تقول الشمس ماحله الشمس
حتى القمر ماهو بحله وقولك= ماخوذ با الحسبان ياطيب الرمس

[سناعيس]

أجل هي النفس ياخالد
بعد قل هالمره مالك لوا هههههههههههه