الحمد للي يسر الحمد للناس

[ابو أنس]

بمناسبة هذا الشهر الكريم وباستشعار نعم الله علينا التي لاتعد ولا تحصى ومن ما نلاقيه في هذا الشهر من سعادة وحبور وطيب أنفس وحسن معامله ومقومات صحة بدن ونفس. ومع هذا عظيم الأجر لمن استشعر وشكر.
لذوائقكم ولطيب سجاياكم أعرض هذا البوح جازما بعذركم ان كان بها خلل وتقويمكم ان كان نقص والكمال لله وحده

الحمد للي يسر الحمد للناس=لفظ(ن)قليل وبالموازين طيّاش
أرخى علينا نعمته كيل وقياس=والخلق من وافر عطاياه تعتاش
خزاينه ماصابها قل وفلاس=والشكر مفتاح الزياده ونباش
أوجد وسوّى من عدم كون واجناس=وعوالم(ن)من كل الاجناس جهّاش
أصغر من حدود البصرصعب الامراس1=واكبر من حدود البصر والأصل لاش2
الصانع الله محكم الصنع ماحتاس=ربّ(ن)تجلّى للجبل دكّه طشاش
من هيبته موسى فقد كل الاحساس=خر وصُعق وآفاق من بعد الانعاش
هلل وسبح واكثر الحمد باحساس=مومن وقلبه صافي(ن)مابه غشاش
والله كبير ورحمته مابها ياس=عمّت ذنوب اهل العظايم والاوباش
من رحمته لنا العمل كنه اغراس=والغرس ينمو والشجر يصبح احراش
واجل نعمه نعمة الدين نبراس=حرز(ن)عن النار التي فيحهاشاش
من حقق التوحيد واخلص ولاجاس=في خاطره هاجس من الشك غشاش
يبشر بموعود(ن)من الله علاساس=ان العمل مع نية الشكر نجّاش
يملا الصحايف بالأجر يمجى الادناس=للمغفره يربي وللذنب قشّاش
يالله عسانا مع هل الحمد باوناس=من رحمتك ينالنا وبل وطشاش

1ـ تعبيرا عن الميكروبات والجراثيم وما هو أدق وأصغر من ذلك
2ـ الكواكب والمجرات والسموات والأراضين .وخلقها من عدم14/9/1429هـ

[داعي الشوق]

يــا ( أبو أنس )

وصح لسانك مدد بلا عدد
قصيدة قمة في كل شيء
بارك الله فيك

تحياتي لك مع التقدير ،،،

[الـزلـزال]

ابو أنس


لله درك لله درك


وصح لسانك ملايين ملايين


سعدت وتشرفت بقرأة نصك الراقي


لك تحياتي

[سناعيس]

الغالي أو أنس
بعد صح لسانك ولله درك:

يا بو انس لاقلت قولك مع الناس=يردد لأنه يدخل القلب ببلاش
لان الشعرلاجاك جبته من الراس=ماهو كلام مزبرق بنور وفلاش
عاداتك الجزلات ياطيب الساس=تكتب سمين ما يجي فيه هشهاش
انا اشهد انه ياسعد طب لعماس=وانا اشهد انه دايما مايجي كاش

تحياتي

[الخنساء]

صح لسانك الشاعر سعد ابو انس
لاهان راسك قصيدة رائعة
سلمت وسلم شعرك
دمت بخير

[سعيد الصاعدي]

الاخ الفاضل / ابو انس
صح لسانك لاهنت
وبيض الله وجهك على هذا النص الشامخ
تسلم ويسلم فكرك
تحياتي
أخـــــــــوك
س / ص

[منيع]

ابيات رائعة ومعبرة
رعاك الله بلطفة وكرمه
تحياتي لكم

[محمد عبدالله البدراني]

المشاركة الأصلية كتبت بواسطة ابو أنس

بمناسبة هذا الشهر الكريم وباستشعار نعم الله علينا التي لاتعد ولا تحصى ومن ما نلاقيه في هذا الشهر من سعادة وحبور وطيب أنفس وحسن معامله ومقومات صحة بدن ونفس. ومع هذا عظيم الأجر لمن استشعر وشكر.
لذوائقكم ولطيب سجاياكم أعرض هذا البوح جازما بعذركم ان كان بها خلل وتقويمكم ان كان نقص والكمال لله وحده

الحمد للي يسر الحمد للناس=لفظ(ن)قليل وبالموازين طيّاش
أرخى علينا نعمته كيل وقياس=والخلق من وافر عطاياه تعتاش
خزاينه ماصابها قل وفلاس=والشكر مفتاح الزياده ونباش
أوجد وسوّى من عدم كون واجناس=وعوالم(ن)من كل الاجناس جهّاش
أصغر من حدود البصرصعب الامراس1=واكبر من حدود البصر والأصل لاش2
الصانع الله محكم الصنع ماحتاس=ربّ(ن)تجلّى للجبل دكّه طشاش
من هيبته موسى فقد كل الاحساس=خر وصُعق وآفاق من بعد الانعاش
هلل وسبح واكثر الحمد باحساس=مومن وقلبه صافي(ن)مابه غشاش
والله كبير ورحمته مابها ياس=عمّت ذنوب اهل العظايم والاوباش
من رحمته لنا العمل كنه اغراس=والغرس ينمو والشجر يصبح احراش
واجل نعمه نعمة الدين نبراس=حرز(ن)عن النار التي فيحهاشاش
من حقق التوحيد واخلص ولاجاس=في خاطره هاجس من الشك غشاش
يبشر بموعود(ن)من الله علاساس=ان العمل مع نية الشكر نجّاش
يملا الصحايف بالأجر يمجى الادناس=للمغفره يربي وللذنب قشّاش
يالله عسانا مع هل الحمد باوناس=من رحمتك ينالنا وبل وطشاش

1ـ تعبيرا عن الميكروبات والجراثيم وما هو أدق وأصغر من ذلك
2ـ الكواكب والمجرات والسموات والأراضين .وخلقها من عدم14/9/1429هـ

العزيز الغالي اخي ابو أنس سلمه الله


الف الف مليون صح السانك وعلا شانك

ياسلام عليك وبيض الله وجهك


قمه في كل شيء


مشاعر ايمانيه صادقه لاعدمنا مثل هذا البوح وهذا الوعي



لله درك يابو أنس


تحياتي
مع اسمى ايات الشكر فائق الاحترام واطيب المنى رعاك الاله

[الطامي]

ابو انس
جزاك الله خير على ماقلت من حمدا للنعمه
صح السانك وبنانك ولاهنت عيني

[صعبة المنال]

صح لسانك يا ابو انس



صعووب