في كل يوم يغيب عن عيني اصحاب

[احمد الجريفاني]

في كل يوم يغيب عن عيني اصحاب=ما اشوفهم ثاني سوى في حلومي
كلن يروح وكل فرقى له اسباب=ما غير ربي فيه حي معصومي
من راح راح ومن بقى بات منصاب=بين التوجد والسهر والهمومي
هذا بحادث راح معه الونس غاب=والاخر ايقض بس عيا يقومي
ونظرت حولك شفت من حولك اغراب=صقرين يمكن والبقيه رخومي
وبديت تحسب للقدر مية حساب=لامن ذكرت ان المعاليق تومي
وين المهار ووين طلقين الاشناب=وين الذي لاسرار قلبك كتومي
وين الذي شالك على روس الاهداب=وين الذي قلبه لقلبك رحومي
وين الذي ما كدرك يوم واغتاب=وين الذي لو نمت قبلك تقومي
وين المهاة اللي زهى وجهه حجاب=ولاشافتك تعبان عجزت تنومي
ولو تزعله با الحيل ما تبدي عتاب=تطبخ غداك وهي قدرها تصومي
قبل الدوام تودعك في ذرى الباب=تقول حاسب يابعد كل قومي
وش لذة الدنيا ليا غابوا احباب=يا شين لا جا يوم صرت معدومي
لو طاب وقتك يوم تاليه ما طاب=بردن شديد او في لهيب السمومي
آمنت با اللي للبشر نزل كتاب=وشلي برجوى غير ربي لزومي
الموت حق ويجرعه شايب وشاب=قانع مدام الله هو اللي يدومي

[الطامي]

الجريفاني
صح السانك
جزلة من جزل
لاهنت اخي

[عمر ال شيبي]

صح لسانك لا هنت ابد

لله درك لك رونق خاص

ابدعت

قلبي معك حس وقالب

[عذب القوافي]

الجزل / أحمد الجريفاني

صح لسانك

نص وافي


من وافي


سعدت بحضوري الباكر

تقديري ,,,,,,,

[صعبة المنال]

صح لسانك وحرفك

صعوووووووووووووووب

[داعي الشوق]

صح لسانك يالشاعر احمد الجريفاني

قصيدة جميلة

صوّرت واقع هذا الوقت

صح لسانك مدد يالجريفاني

مع التحية لك

،،،،،،،،،،

[حوريه]

وش لذة الدنيا ليـا غابـوا احبـاب=يا شين لا جا يوم صـرت معدومـي
لو طاب وقتك يوم تاليه مـا طـاب=بردن شديد او في لهيـب السمومـي

أحمد الجريفاني

قصيده مميزه من شخص مميز

صح لسانك واحساااسك


طبت وطااااااب الشعر


..........

[عبدالعزيز البليهد]

المشاركة الأصلية كتبت بواسطة احمد الجريفاني

في كل يوم يغيب عن عيني اصحاب=ما اشوفهم ثاني سوى في حلومي
كلن يروح وكل فرقى له اسباب=ما غير ربي فيه حي معصومي
من راح راح ومن بقى بات منصاب=بين التوجد والسهر والهمومي
هذا بحادث راح معه الونس غاب=والاخر ايقض بس عيا يقومي
ونظرت حولك شفت من حولك اغراب=صقرين يمكن والبقيه رخومي
وبديت تحسب للقدر مية حساب=لامن ذكرت ان المعاليق تومي
وين المهار ووين طلقين الاشناب=وين الذي لاسرار قلبك كتومي
وين الذي شالك على روس الاهداب=وين الذي قلبه لقلبك رحومي
وين الذي ما كدرك يوم واغتاب=وين الذي لو نمت قبلك تقومي
وين المهاة اللي زهى وجهه حجاب=ولاشافتك تعبان عجزت تنومي
ولو تزعله با الحيل ما تبدي عتاب=تطبخ غداك وهي قدرها تصومي
قبل الدوام تودعك في ذرى الباب=تقول حاسب يابعد كل قومي
وش لذة الدنيا ليا غابوا احباب=يا شين لا جا يوم صرت معدومي
لو طاب وقتك يوم تاليه ما طاب=بردن شديد او في لهيب السمومي
آمنت با اللي للبشر نزل كتاب=وشلي برجوى غير ربي لزومي
الموت حق ويجرعه شايب وشاب=قانع مدام الله هو اللي يدومي

***

وبديت تحسب للقـدر ميـة حسـاب
لامـن ذكـرت ان المعاليـق تومـي


الله عليك يابو فراس من القلب للقلب

بوح مؤلم وتظمره قلوبنا وعقولنا ،، رحم الله امواتنا واموات المسلمين وجمعنا

واياهم في جنات النعيم

صح لسانك وسلم راسك وربي يسعدك

[نفحات حساسة]

الله عليك,,اخوى احمد
صح السانك..
نص رائع من شاعر اروع
يعطيك العافيه

[منيع]

رائعه ومميزة ومؤثرة
بارك الله فيكم
تحياتي