لاواهني اللي رقد في سريره

[عبدالله السويلم]

لا واهني اللي رقد في سريره=مهـوب مثلي جالسٍ فـوق مركاه
احدٍ من الكيفه يــــدوّى شخيره=واحدٍ قضا ليله على كوع يمناه
تقول في صدره سواة السعيره=وعيـنه لـذيذ النــوم ماهـيب وياه
دنياً كفى الله شرهـا مستـطيره=مــن لايجــاريها تــذلـه وتاطــاه
الشيب لاح وخـط وجهي نذيـره=وانا مثـل ما قالـو امقيط ورشاه
اخــذ قليل الحــق واتــرك كثيره=واصبرعلى ماقـدر الرب وارضاه
والكـون لــه ربٍ عظــيمٍ يــديــره=على الرضى والاعلى غيرمرضاه

[سعيد عوده الحويطي]

صح لسانك عبدالله السويلم ابيات رااائعه. شاعر جزل لافض فوووك تحياتي لك

[منيع]

اخـــذ قـلـيـل الـحــق واتــــرك كـثـيــره

ذكرتني ببيت ابودباس يوم قال
اخذ شوي الحق واترك كثيره

ابيات رائعة
تسلم اخي الكريم عبدالله السويلم
تحياتي لكم

[الطائر المهاجر]

ادري ورى عينك بليلك سهيره= الحب داء وعندي الطب ودواه
تحتاج لك كيه براسك بريره = تهجد بعدها ما تفكر ببلواه
وان كان بك سحر فهذي خطيره= تحتاج لمطوع يفكه ويبراه


صح لسانك
ولاهنت
تحياتي

[عبدالله السويلم]

ابوعوده

صح بدنك
ومشكووووور على المرور والتعليق

تحياتي لك

[عبدالله السويلم]

حياك الله اخوي منيع

مشكوور على المرور

تشرفت بتعليقك

تحياتي

[عبدالله السويلم]

هلابك يادكتور

تشرفت بمرورك الكريم

وصح لسانك
على الابيات الحلوه

تحياتي لك

[الـزلـزال]

عبدالله السويلم

نص مميز ورائع وجميل
من شاعر عودنا على تميز حروف شعره
أبدعت وأمتعت شاعرنا الغالي
دمت بسلام ودام لنا حرفك الراقي
صح لسانك ملايين ملايين
ولك فائق تحياتي وتقديري

[ساهر الليل]

صح لسانك يالسويلم

نص رائع وجميل بجمال حضورك

راق لي هذا البوح الراقي

لاهنت يا شاعرنا

تقبل تحياتي وودي

[عبدالله السويلم]

اخوي سامي

صح بدنك

الله لايهينك

مشكور على المرور يالغالي