كاملات الزين ...للطائر المهاجر

[عبدالعزيز العمار]

السلام عليكم

قصيدة للطائر المهاجر شلتها بصوتي أتمنى أن تعجبكم

كاملات الزيـن يامـا عذبنـي=عزي لحالي فانا بحـالٍ رديّـه
في بحور الحب يامـا وهقنـي=صرت مدري باتجاهي والنويّـه
احسب اني عاقلٍ من صغر سني=واثري المسبوه ضيّـع للرويّـه
ساحـراتٍ فاتنـاتٍ ضيعـنـي=ويل منهو صار بيديهن مطيـه
قلبي المخطوف من جرحه يوني=ليتني ما شفت وضـاح الثنيـه
صاحبي ليتك على قلبي تحنـي=تفتهم للي غدت روحـه سبيـه
كلما قرّبـت تبعـد دوم عنـي=لو عطيتك كل قلبي لـك هديـه
ف المحبه ياحبيبي مـا اثنـي=وغير قلبك ما ابي حتى المنيـه
ليه تهجرنـي الا ليـه التجنـي=ويش ذنبي كان من ذنب وخطيه
غلطتي اني اشوفك جزء منـي=وغلطتك انك تعـذب للضحيـه
ناحلٍ عودي من همـومٍ برنـي=وانت سبة ما حصل لي من أذيه
ليت ما وهقت نفسـي بالتمنـي=واستمعت لنصح من قال الوصيه
ابتعد عن دربهن مهمـا فتننـي=يرجهن القلب ما يشعر لضيـه

الطائر المهاجر


صح لسانك يادكتور

[عمر ال شيبي]

صح لسان د عثمان

وسلم صوتك يا عذب الصوت

[الطائر المهاجر]

سلمت
وصح صوتك
روعه من روائعك
الف شكر
ولا هنت
تحياتي

[منيع]

اداء رائع ومميز
تسلم اخي الكريم
تحياتي لكم

[عبير الورد]

قمممممممممممممممة الرووووووعه


صح لسااااااااان طائرنا وسلم صووووتك العذب والمميز دائماً


بإنتظار جديدك القادم


دمت بخير

[داعي الشوق]

صح لسااااااااااااااااانك يا بو عبدالله

ويسلم صوتك يا بو نايف

ولاهنت يا مبدع

***************

[صعبة المنال]

الله الله الله
رررررررررررررروعة

صح لسانك وصوتك تبارك الله هيضتنى من الصباح

صح صوتك

صعووووب

[حوريه]

صوت رائع واداء اروع
صح صوتك
ودام نبضك
تقديري

[عبدالعزيز العمار]

المشاركة الأصلية كتبت بواسطة عمر ال شيبي

صح لسان د عثمان

وسلم صوتك يا عذب الصوت

صح بدنك ياعمر ويسلم راسك يابعدي

شكراً لمرورك وتشريفك الجميل

تحياتي لك

[عبدالعزيز العمار]

المشاركة الأصلية كتبت بواسطة الطائر المهاجر

سلمت
وصح صوتك
روعه من روائعك
الف شكر
ولا هنت
تحياتي

صح بدنك ولاهان راسك يالعود

تستاهل كل خير يابعدي

تحياتي لك