"معْمعم "

[مجدي صالح المبارك]

من خربشات تالي الليل أرجو ان ترقى الى ذائقتكم وتنال على جزء من استحسانكم , لكم تحياتي مع فائق التقدير

كم ساعةٍ باقي من العمـر ياوقـت=رجفة جفن والا سنين بحشـا يـمّ
موجه يتلاطم كلما بيرقـي شلـت=في صدّ غـداره بظلمـي اترنّـم
خلّت حياتي فالهـا ليلـة السبـت=اللي سهمها امن الوجـوه التجهـم
اعيش في حلمٍ تخاوى مع الكبـت=شابـت مفـارق دمعتـه ماتكلـم
تموت من قلبي مساحات في صمت=يـاسٍ يبعثرنـي وهــمٍ يلمـلـم
في دربها المجهول كم ليلةٍ نحـت=نوح الكليمـة اللـي بكرهـا تيتّـم
تشب جمر الحـب كلمـا تنفسـت=داخل أتونٍ مـن سِحْرهـا متيّـم
من شفتها في مطلع العمر غيّمـت=وامسيت في وادٍ عن القلـب مبهـم
ماغير اناجي طيفها وين ماسـرت=في لجة الديجور والشـوق يزهـم
وان استفاق الفجر من غبشته همت=بافق الطريق اللي انسجته أم قشعم
كنّي بغيبوبه سوى ان عشت او متّ=لاعقـل لاعينيـن أصـم أبـكـم
مادري سبتني بالغلا والا بالجبـت=والا اختمتني فوق قلبـي بطلسـم
صرت الكسير اللي به الحي يشمت=وصارت تقول الخلق عنّي معمْعـم
ضاعت براهيني على كثر ماشفت=منّك واظن الموت أكـرم وأرحـم

أم قشعم : العنكبوت

[نفحات حساسة]

تسلم خربشاتك وصح لسانك
ولا هنت قصيده رائعه
تقبل مرورى
ولى عوده ان شاء الله..

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[سناعيس]

صح لسانك يامجدي
ولله درك على هذه الرائعة التي أسميتها الخربشات
فاذا كانت هذه خربشات فأكثر منها يارعاك الله

تحياتي

[عبدالله راشد الثويني]

صح لسانك ايها المُبدع
اتحفتنا بهذه الرائعه
تسلم يمناك على ماخطت طامعين بجديدك
تقبل وُدي

[الطامي]

مجدي ال مبارك
صح السانك مدد بلا عدد
جزلة من جزل
لاهنت اخي

[الـزلـزال]

مجدي المبارك
بوح رائع ومميز
من شاعر عودنا على تقديم كل مميز
أبدعت شارنا وأمتعت رعاك الله ووقاك
صح لسانك ملايين ملايين
ولك فائق تحياتي وتقديري

[زهرة اللوتس]

صح لسانك واعتلى شأنك
نص رائع من شاعر رائع
لاهنت
تقديري واحترامي

[نجم الإبداع]

الله الله

صح لسانك يامجدي

مصافحه رائعه من شاعر جزل

وكثر من خربشاتك هههه

لاهنت

تقبل مروري

وتقديري

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز