يــالــيـــل سلــم عـى الــغـالي

[عيد مشعل]

للــتــــواصـــــل

ياليل سلم على الغالي=وقله عن علوم جايبها
مع حب وأشواق وامالي=النفس ترغب حبايبها
ابعلمك وانت مرسالي=مابين قاريها وكاتبها
ياوجد حالي سقم حالي=يوم ماصفتلي مشاربها
على واحداً ماهو بخالي=من الحلا والملح وأندبها
وأقول يازين التعزالي=وش فيك روحي تعذبها
ياراحة الروح والبالي=يأسعد هالأوقات واطيبها
العين هدبها له ظلالي=مقيلي عن سموم ولواهبها
والعود ناحل وميالي=والليل كله بذوايبها
والخد مع حبة الخالي=وردوف احترت بمذاهبها
انساقلك سوقة جمالي=على الموارد ركايبها
الصبر ياصاحبي طالي=والنار شبت شبايبها
قالولي للعقد حلالي=إللي يفكك نشايبها
الفرقى هماً وغربالي=حاول إنك تجنبها
ولاتسمع القيل والقالي=وعواذلاً لك تسببها
ماني من عقبكم سالي=فالشرق وألافمغربها
تقول إني عايش لحالي=تصدق وألا تكذبها
ابي وصلك ولاتهيالي=وعيوني النوم حاربها
بفرقاك جريت موالي=بزين الطواريق واعذبها
اسهر والشوق قتالي=وطيوفك فالبال اراقبها
النفس لاتّوصّي بها الغالي=وش عذرها بترك واجبها
يانجماً ماله امثالي=يا ابرز مجموعة كواكبها
بحر الهوى يهول اهوالي=تلقى به اغرب عجايبها
يذهلك في موجه العالي=وبصمته اسرار جالبها
ياليل علمي باول وتالي=ظنوننا لايخيبها
المحبه لها برق وخيالي=إللي تستاقه هبايبها
وشيب عيني على حالي=والناس وشهو يشيبها
محبتاً مالها والي=لاتامن تجني عواقبها

وسلامتكم

[الخويطر]

شكرا لإمتاعنا بإبداعك
لاهنت
تحياتي

[عيد مشعل]

مرحبابك

تحيتي

[الطائر المهاجر]

حياك الله ياعيد
والحمد لله على السلامه
هجينية طيبه من راس طيب
صح لسانك
ولا هنت
تحياتي

[عبير الورد]

الله الله

صح لساااااانك ملايين
سلمت وسلم منطوقك الجزل
ربي يعطيك العافية

[صعبة المنال]

جزلة
صح لسانك

صعوووب

[عبدالعزيز العمار]

صح لسانك ياعيد وجاد بيانك

هجينيه طيبه وجزله

والحمدلله على السلامه ولاعاد تقاطعنا ونا خوك

تحياتي وتقديري

[حي الضمير]

صح لساااااااااااانك
قصيده رائعه وابدعت
سلمت يمناك

[الـزلـزال]

عيد مشعل

نص مميز ورائع وجميل
من شاعر متميز في كل مايقدمه لنا
أبدعت وأمتعت شاعرنا رعاك الله
دمت بخير ودام لنا حرفك الجميل
صح لسانك ملايين ملايين
ولك فائق تحياتي وتقديري

[منيع]

رائعة جدا
تسلم اخي
بارك الله فيكم
تحياتي