تشبه طيور(ن)لجول الصيد مزعوجه

[فواز الغسلان]

يالجيب دج بــي على اللي ضامـني دوجــه=لــولاه مـالــي بـهــم مـطـمــع ولا حــاجه
ابـيــك تـقـطــع ديــــار الــزيــن وفـجـــوجــه=والــدرب مـايـمـنـعـك رمـلــه ومـطـنــاجه
تـشـبــه طـيــور(ن)لجـول الصيد مزعـوجه=ومعها ريــاح الـهــواء الـغـربي الـيا هاجه
الروح عـامـيـن وسـط الـنـاس مرجـوجـه=والـهـجــر نـاره بوسط الجــوف وهــاجه
الـشـوف يكـفــي مـدامـه شـح بـهـروجـه=وقبل الـمـواصـل ظـهــر بالـباب مزلاجه
قـلـبـي يـبـي عـندل(ن)بالكحل مدعـوجه=تـرمـي هـل الطـيب في بـلـواه واحـراجه
والـعـيـن تـشـبــه عـيــون الـريــم وغـنـوجه=او عـيـن شـيـــهــانــة الـقــــنـــاص لا راجـه
بـحـريــة(ن)من لـهـيــب الـجـوع محـروجه=طـارت تـبــاري شـطـوط النـيل وامواجه
الرمش يرسل رمـاح الـمـوت مـع فـوجـه=والا الـقــذايـف مـن الـلــي قــاد مـيراجه
ريـح الـنـفــل والـزهــر والـمسـك ممزوجه=فـي جـسـمــه الـلـي كـسـاه بثوب ديباجه
محـدن كـشـف وصـفــة الـغــالـي وديلوجه=من شـان يـمـشـي عـلـى دربــه ومـنـهـاجه
لين اصبحت في حـنـايـا الجوف منسوجه=تــايــــه عـلــى مـدخــل الـغــالــي ومخـراجه
يـصـبـر عـلــى بــارد الـعــاصــوف وثـلـوجه=ولا طـاع عــاذل هـل الـغـيـبـه وهــراجـه
سارت ظـعـونــه وشـفت الخيل مسروجه=يـتـلــون بــرق(ن)شـلــع بـالـلـيــل لـعــاجه
راحت وروحي تـعـيـش الهجر في عـوجه=من جور وقت(ن)سقاه الكاس من زاجه
والـيـوم وش مكسب الخـافـق ومـنـتـوجه=في طرد ريــم(ن)يـهـيـل الـقـلب مكـيـاجه
غـير الـمـغـثــه وسـجـن الـقـلــب بـدروجه=عـامـيـن يـشـكـي هـوان الروح وازعـاجه
شـال الخـفـوق الحــزيـن وراج بــه روجـه=وخـلاه يـنــزف غـــزيـر وشـح بـعـلاجه

[الحــ فهد ــربي]

مساكـ الله بالخير شاعرنا الرائع فواز الغسلان ..


صح لسانكـ على القصيدهـ الجزلهـ في المعاني وفي الصور الشعريهـ والوصف ..

قرأتي لقصائدكـ مكسب لي ..

تحياتي وتقديري لكـ. ..

[عبدالله راشد الثويني]

الشاعر والراوي المُبدع والمتألق دائماً / فواز الغسلان
تسلم يمناك على ماخطت من إبداع
قافيه مميزه ومضمون لا يعلى عليه
كل الشكر على ما اتحفتنا به
طامعين با المزيد من روائعك
وُدي

[سناعيس]

الفاضل فواز بن غسلان
صح لسانك والله لايهينك
جزله من شاعر جزل


تحياتي

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[راجي الحاج]

صح لسانك وبنانك

وافيه من وافي

تحياتي

[منصور العبدالله]

الروح عامين وسط الناس مرجوجـه
والهجر ناره بوسط الجـوف وهاجـه
الشوف يكفي مدامـه شـح بهروجـه
وقبل المواصل ظهر بالبـاب مزلاجـه
قلبي يبي عندل(ن)بالكحـل مدعوجـه
ترمي هل الطيب في بلـواه واحراجـه


فواز الغسلان

جزل المعانى

عذب الحرف دائما

اتشرف بوجودى بالصف الاول مع من احتفلو بفاتنتك

تحياتى ورد

[زهرة اللوتس]

فواز الغسلان

سلمت وسلم فكرك

جزلة من شاعر جزل

صح لسانك وبيض الله وجهك

تحياتي

[مبروك بن ماضي]

اخوي المبدع :
الشاعر / فواز الغسلان
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[فواز الغسلان]

المشاركة الأصلية كتبت بواسطة الحــ فهد ــربي

مساكـ الله بالخير شاعرنا الرائع فواز الغسلان ..


صح لسانكـ على القصيدهـ الجزلهـ في المعاني وفي الصور الشعريهـ والوصف ..

قرأتي لقصائدكـ مكسب لي ..

تحياتي وتقديري لكـ. ..

الشاعر فهد الحربي كل الشكر والتقدير لحرفك النبيل

تحياتي لك