.......// صــــــرخــــَـــه // ........

[دايود صالح الخلف]

اضم الحزن في صدري واشوفه دايم ٍ لي عوق=يتعـّـبني يبكــّـيني على بيض الورق وانوح
حكاتي كلها هم ٍ ملكني وامتكـن بعـروق=تعيش بداخلي ( صـرخه ) تبروز صورة المجروح
من الماضي من الحاظر من الخافي من الملحوق=ابشرح كل احوالي ولكن ( يصعب ) المشروح
على ذاك الطريق امشي وجرحي واضح ٍ مفتـوق=يخالطـه الألم والويـل وبركان ٍ بدأ بالفـوح
انادي كل من حولي ويخـنـقـنـي هذاك الطوق=هذاك الطوق لابسني هذاك ( الصمـت ) مابه بوح
طريق اظلم طريق اغبر طريـق ٍ مابه المخلوق=وصوت الريح به ( يعزف ) وتر خوف ٍ على هالروح
وانا بين الألم والخوف وجروح ٍ لمحت ابروق=بروق الخير يا حزني ( كفايه ) وابتعد باروح
لفـت ذيك ( الغنوج ) اللي كساها الطيـب ويـّـا الذوق=وقالت ياكسير اقرب تعال اجلس هنا مسموح
انا جيـتك وله واحساس انا جيتك بكل الشوق=ابي تحكي ابي تشكي وسمعي ينتظر مشفوح
سكت ّ وقلت في نفسي انا مخنوق انا مخنوق=وطاح الدمع من عيني وغابت بسمتي وفروح
وقالت ( حالتك ) صعبه وانا صبري غدى محروق=ترى لازم ( يموت ) الصمت من شان الفرح ومزوح
واذا ودك تبي تحكي( تبصـّـر ) وافهم المنطوق=لزوم انك تقول اشفيك يا مجروح يا مطروح
وانا ( فزيت ) من نومي على نور الصبح وشروق=وغاب الزين عن فكري وصحـّـاني ( حمام الدوح )

تحيــتي ..

5 / 3 / 1430 هـ

[عبدالرحمن حميد الغانمي]

الله الله الله عليكـ أخوي داووود


قصيدهـ عانقت السحاب


جمال متفرد هنا


صح لساااانكـ ملايين

[الطامي]

داوود الخلف
صح السانك ملايين
جزلة من جزل لاهان راسك وأحساسك
شكرا لك

[الأموره]

الخلف

صح لسانك ملايين

سلمت و سلم فكرك

الف شكر لك

دمت برعاية الخالق

[محمد بن عمار]

السلام عليكم
الشاعر / داود
صح لسانك وجاد بيانك
تحيتي وتقديري
محمد بن عمار

[رفيعة الشان]

شاعرنا الأخ الخلف
قصيدة جميلة
وابعدنا الله واياكم والمسلمين
عن كل محزن
صح الله لساانك


ولاااهنت

[الـزلـزال]

لفت ذيك ( الغنوج ) اللي كساها الطيب ويّا الذوق=وقالت ياكسير اقرب تعال اجلس هنـا مسمـوح
انا جيتك وله واحساس انا جيتك بكـل الشـوق=ابي تحكي ابي تشكـي وسمعـي ينتظـر مشفـوح

داوود الخلف


بوح رائع ومتقن

من شاعر متميز ورائع في كل مايقدمه


أبدعت غالينا رعاك الله


صح لسانك ملايين ملايين


ولك فائق تحياتي

[محمد عبدالله البدراني]

داوود صالح الخلف

سلمه الله


ماقول الا صح السانك

وعلا شانك


بس هنا اعتقد فيه خطا املائي :

وانا بين الألم والخـوف وجـروح ٍ لمحـت ابـروق

اعتقد لا لمحت ابروق



لاعدمناك ياداوود

تحيتي وتقديري

[داعي الشوق]

صح لسانك يالشاعر داوود الخلف

معاني عاطفية جميلة

و القصيدة من شاعر أجمل

تحيتي لك

،،،،،،،،،،،،،،،،،

[صنداح الزلامى]

الشاعر داوود الخلف

صح لسانك واعتلا شانك

اعجابي واحترامي لك