الدساسه

[نجم الإبداع]

اللهْ يكفينا من اهل الجهل والادلاسي = الذي يرمون ديرتهم مع الدساسه
ماخبرنا ابقيق محتله! وحكمٌٍ راسي = قوموا للدين رايه مالها نكاسه
الملك عبدالله حامي الشرع لونك ناسي = ناظر الدنمارك يامحتار في مقياسه
الجهاد الحق بين مانت له قرناسي= انت ضد اهلك ولا لك بيننا مرياسه
وين عقلك يامسقينا بمر الكاسي= غرك الشيطان واملى لك وذا وسواسه
تدعي بالدين كنك حاكمٌ عباسي = تصدر الأحكام وتحلل دم الحراسه
ياخساره يالذي غرك هوى الدساسي =جبت لاهلك داهيه ياصنعة الخناسه
اهلنا وش ذنبهم يبكون للجلاسي = ذنبهم ربوك ويل العاق من هدراسه
وش جنيت الا رصاص صوبك بالراسي = يوم خنت ارضك سقاك الموت حامي كاسه
ياديار الدين ياعمري وصافي احساسي = ياجروحي ياهوى قلبي وعذب انفاسه
يحرسك ربي من اهل الزيغ والأنجاسي = قدرك الغالي ولا نرضى بجرح احساسه

انا اول المرحبين في هذه الجزلة
وهذا شرف لي

الغالي فلاح
تحضر فيحضر الابداع

ما قصرت
وصح لسانك

[الشريف الشرّقي]

وأنا الثاني /صح لسانك أخي فلاح صح لسانك.. قافية عذبة ومضمون جميل .
حفظ الله لنا الدار ومن فيها .

[نسناس الهوى]

يحرسك ربي من اهل الزيغ والأنجاسـي
قدرك الغالي ولا نرضى بجرح احساسـه

اميين

ونآ الثالث ..صح لسانك ولاهان منطوقك يالجزززل

[ابو أنس]

الفاضل فلاح.........
وان تأخرت عن الركب فما سبقني سوى أفاضل اشرف ان اكون معهم في أي موقع
ولك أيها الفاضل صاحب الحظور المميز . السابق لكل فضل .المنافح عن كل جميل
لك شكر لاأحصره أو أحجمه
كلمات جميله وقافية سلسه ومعنا عذب وتوجه صادق
أجدت وأفدت وسبقت الى الخير
لك تحيتي وشكر غير محدود

[سناعيس]

الأخ الشاعر فلاح بن منشار

صح لسانك الف
قصيدة آنيه خرجت بجزاله ومن رأس جزل فلا يستغرب جمالها

سلمت وسلم الله بلدنا من كل شر

تحياتي

صح لسانك يا فلاح والله يعطيك العافية

[منيع]

اخي الحبيب/ فلاح بن منشار
الابيات وطنيه جميله وهذا شعور نبيل يجب على الجميع التحلي به لهذا الوطن المعطاء والمثل يقول (البير اللي تشرب منه ماء لاترمي فيه حجر))تسلم وتعيش على هذا الحس الوطني

[أم ريما]

شاعرنا فلاح

صح لساااااانك ويعطيك العافيه

على القصيده الرائعه

تحياتي لك

[ضاامية الود]

اخوي فلاح بن منشار

الف شكر على هالجزله

وصح الله لسانك وقلبك

تقبلي مني ارق وجمل التحيه

اختك


ضاامية الود