هب البراد ،، قصيدة شتويه

[الطامي]

هب البراد وأخر السَبع واقت =وبحساب عراف الحساب اكملنيا
لاشفت سبع بايمن الجدي فاقت=بطلوعها فوق المتون اعتلنيا
ارقب مغيب الشمس لامن تلاقت =مع الغيوم وبامر ربي اقبلنيا
وتشوف لولى من الحلال استشالت =هاج الفحل فيها ومنه رغنيا
ومدللتها بمقدم البيت ناخت =تبي الدفى ومن البروده ذرنيا
وضو الحطب في شق بيتك تعالت=واهلك نسيم الصبح منه ابردنيا
ان كنت في برٍ راعية البيت حاكت=واهل البداوه للبيوت احجبنيا
وصغيرة البزران فالليل فاقت =شبعة منام وقصدها تطربنيا
الناس نوما وهي اخر الليل راقت =تزعج هله من جوعها بترضعنيا
جاك الشتاء يوم اشهر الحر راحت =البس هدوم البرد لو بالمدنيا

[الطائر المهاجر]

رائعة تستحق الإعجاب
صح لسانك وكلك
ولاهنت
ودي واحترامي

[عبدالله الشويمان]

صح لسانك يا ابومحمد

قصيده رائعه من روائعك المعتاده.

دمت بخير ولا هنت

[منيع]

مبدع ورائع
تسلم يالطامي
تحياتي

[نجم الإبداع]

الله الله

صح لسانك يابو محمد

ابداع هذه

لاهنت

[داعي الشوق]

صح لسانك مليووووووووون يا بو محمد

ابدعت في تصوير دخول فصل الشتاء و تأثيره العام
و فترة التزاوج عند الحيوان و حساب الفلك

لله دررك يا مبدع

صح لسانك مدد

ولاهنت يالشاعر

[بنت النور]

صح السانك
ولاهان راسك ياشاعرالفطاحله
لاهنت
و دمت بود

[ساهر الليل]

صح لسانك وفكرك

رائعه انت راعيها

لاهنت يا شاعرنا

مع صادق الود

[الراقي]

صح الله السانك وعتلا شانك جزله من راس جزل

دمت بِكُلِ مَوَدَةٍ

[الرضيان]

تميز في الإبداع
وجزالة في الطرح
صح لسانك
ولاهنت
تحيتي واحترامي