كلما جتنا الصحافه بالوطن بالصوت

[الطائر المهاجر]

كلما جتنا الصحافه بالوطن واخباره= وكلما شفت النقاش بجلسة الشرياني
ادرك انا في تراجع واضحه آثاره= رغم كل البذل حاصل من ولاة الشاني
كهربٍ يطفى بصيفٍ نحترق من ناره= ومويةٍ تقطع ونشري بغالي الأثماني
والخطا الطبي تجاوز حده ومعياره= يدمدم الموضوع حتى ما يضر الجاني
والدواء سعره تضاعف وابتدت اخطاره=فالمنوم والمخدر في يد الشباني
سوق سوداء يقصدوها او تجي للحاره= والبعض منهم يعاني مشكل الإدماني
والاجانب في تضخم ماسكين الطاره= ف التجاره والزراعه من ورا الجدراني
من ورا متسترٍ عن عمد خان لداره= ياخذ الطفسه وهم بيحولوا الاطناني
والبطاله في شبابٍ ما عرف مقداره = يفضل الوافد عليه ولو هو الشيهاني
والغلا في كل شيٍ ماقدرنا اسعاره=كل شي في زود إلا قيمة الإنساني
مالها ياكود تفسيرٍ جهلنا اسراره = بين اهمال وفساد يهدم الاوطاني
يمسك المنصب حرامي ماملك سياره= وبين غمضة عين يملك قصر في تطواني
او خمام يدربي راسه منشغل بسكاره=واللي من تحته يدبر مابغى الشيطاني
لارقيب ولا حسيب ينصب السناره= يعرف الفاسد ويصلح خارب الاركاني
دام هذي الحال حنا لو بنينا عماره = ساسها واهي ومخطر تقبر السكاني

[منيع]

ابيات تعكس واقع مؤلم
كان الله في عون الجميع
شكرا لك ولحرفك الواعي
تحياتي لكم

[داعي الشوق]

صح لسانك و اعتلا شانك و انت بمكانك

ولاهنت يا شاعر العثمانيات

و دمت بخير

,,,,,,,,,,,,,,,,

[عبدالعزيز البليهد]

من زود الفساد حتى الصايعين يسرقون عيني عينك بالشوارع !!! مابالك بأصحاب المعالي

والسمو والسعاده !! الي لهم حصانه







هذي ضايعه من زماااااااااااااااااااااااان يمكن بحدا هالشبوك

[الطامي]

الطائر
ابيات تعكس واقع مؤلم
كان الله في عون الجميع
صح السانك ملايين
والله يعين الجميع

لافض فوك الطائر ،، ودمت بخير


تحياتي

[الأحمدي]

قصيدة كتبت لتبقى
كل الشكر والتقدير
مع أطيب تحياتي

[البكران]

اتحفتنا بهذه الباذخه
صح لسانك مدد بلا عدد
ولاهان راسك
تقبل احترامي وأطيب تحياتي

[الـزلـزال]

الطائر المهاجر

نص في الصميم ومحاكي للواقع الأليم
من شاعر متميز ورائع في كل مايقدمه لنا
أبدعت طائرنا المميز الراقي
حلق وزد بتحليق شعرك ولنا الأستمتاع بكل حروفه
صح لسانك ملايين ملايين
ولك فائق تحياتي وتقديري

[الراقي]

معنى جزل يتسحق صدر المكان

سلم لنا بوحك ودام نبضكـ الرائع

وصح لسانك ومنطوقك الف مليار