أقدر أسجل كل يوم ٍ قصيدة

[عبدالمحسن الرحمه]

أقدر أسجل كل يوم ٍ قصيدة=بس أني أخشى كل نفس ٍ حسوده
هجوس حاكم والقوافي عبيدة=لاجيت أبكتب قمت أحلل قيوده
عزالله أني كل طرق ٍ أجيدة=سحايب أفكاري تزمجر رعوده
أنا متيّم بالقواف العنيدة=أحدها لو هي بخارج حدوده
أبداعي الشعري ينقي جديدة=فيه التميز والجزالة تسوده
أبيات ذوق ٍ هاوية للفريدة=مكانها صدري تهنى برقوده
الحمد الله كاسب ٍ للحميدة=والحمد الله نفس ماهي جحوده
أحب بالدنيا نفوس ٍسعيدة=وأحب رجل ٍ وافين في عهوده
أهوى علوم الدين واطلب مزيده=صابر على وقت ٍ تزايد وقوده
أصاحب اللي به مزايا مجيدة=رجل ٍ يخاف الله عريبه جدوده
أبعد عن اللي بالمواقف جحيدة=أبعده من صدري عسى مايعوده
الميزة اللي في حشانا وكيدة=طيبه بقلبي والخلايق شهوده
ياليت؟ تنفع للزمان وتعيده=أعيش ساعات ٍ تصير امعدوده
وقت ٍ به الألفة وحب العقيدة=والبذل للمعسر وكلن بجوده
وقته شبيه ٍ بالليال السعيدة=فيه التأخي والتعاطف يسوده
تزول عن قلبك هموم ٍ نكيدة=لأمن ذكرت الجار تصدق وعوده
لاواخسارة يالليال الفقيدة=اللي بها للضيف تقدح زنوده
أيام عشناها جميلة فريدة=فاحت مباخرها بها ريح عوده
أيامنا هذي فتنها شديدة=بانت خفايا ناس والله حقودة
تبغا تحصد الخير مثل الحصيدة=تبذر بذور الشر دايم تروده
ياالله ياللي تفعل اللي تريده=يامن شمل خلقه بخيره وجوده
تفني هلّ الفتنه وتقطع وريده=اللي تغذيهم دسايس يهوده
خلو من الحبة قصور ٍ مشيده=يبون هزّ الدين ساسة وعموده
شوفوا التظاهر بالديار البعيدة=تظاهرات ٍ صدق ماهي امحموده
صار العدو حر ٍ وحنا الطريدة=يطرد ورأنا لين وثق قيوده
هذا مخطط محكم ٍ بتعميده=من مدة ٍ بانت علينا بنوده
كم حاولوا هزّ الديار العقيدة=المملكة تسلم وحنا جنوده
من ينوي النية لها بالمكيدة=جاله غضب شعب ٍ عليه امحشوده
حنا على الظالم وحنا نبيدة=نقدح زناد الحرب نفري كبوده
ننصب كمين ٍللعدو ثم نصيده=نقطع عروق أهل القلوب الحقوده
يقودنا حاكم ارائه سديدة=يحمي حماها من نفوس ٍ حسوده
عز الله أنه بالشجاعة وليدة=شهم الفضايل من سلايل أسوده
حاكم حكيم ٍ به مزايا عديدة=الخير والطيبة ونفسه صموده
جل ّ التواضع والمكارم بإيده=أضفى على شعبه خزائن نقوده
حبك تردد في حشايا واعيدة=مشتل غلاكم به نوادر وروده
طالبك ربي كل خير ٍ تزيده=يامن بيده الخير ماشن يكوده

[حمود السكراني]

صح لساااانك وعلا شأنك صدقت ماقلت الا

الصحيح سلم بوحك يالغلا

[عمر ال شيبي]

صح لسانك لا هنت
طيبه من طيب

[الطائر المهاجر]

سلمت
وصح لسانك وقلبك
ولاهنت
تحياتي

[نجم الإبداع]

الله الله

صح لسانك ياعبدالمحسن

مصافحه طيبه

لاهنت

تقبل مروري

وتقديري

[كظيم]

عبدالمحسن
ياعيني عليــك
قصيده في قمة الجمـال والابداع والجزاله
ابيات حوت مفردات رائعـه
نص شعر اعجبني بكل ما فيـه
صح لسانك وفكرك
تقبلني وتقبل مروري المتواضع لاهنت
ودي وتقديري

[داعي الشوق]

سلمت ولاهنت

وصح لسانك مليوون يا عبدالمحسن

ابدعت يالشاعر

و عساك سالم

*****************

[سناعيس]

كفو ياعبدالمحسن
صح لسانك ولله درك
جزل ومبدع
لاهنت


تحياتي

[حوريه]

ما شاءالله
نص فاق حدود الأبداع
صح قلبك يا عبدالمحسن
ودام حرفك ودمت بكل خير
ودي وتقديري
0
0

[الراقي]

صح لسانك على ما قدمت من ابداع
ابيات فيها من الاصالة ما يكفي


تحية لحضورك