وحوله عساكر باللضى يحرقونه

[نجم الإبداع]

الاواوجودي وجد ساكن فلسطين=وحوله عساكر باللضى يحرقونه
مكبّل يناظرهم بعِزّه من العين=ومن خوفهم حذرين مايقربونه
يباهي بقيده كنه الجارح البين =وهم من فرّق باحقادهم يرمقونه
ينادي العرب من فخر وينادي الدين=وصوته يصل لقلوب من ينكرونه
يشوف الحقيقه بالعيون الميامين=تحدى بني صهيون لو يصلبونه
يحب الكرامه تحت صوط المعادين=ولا الذل في دار التراف المنونه
بلانا هوى التجار والدين بعدين = وعيت بطون اهل الجشع يتركونه
رضينا وعذرنا بصخره ونهرين = وعشنا فرادى كل شله زبونه
الا واوجودي في زمان المرائين = فلا الداعيه صادق ولا اهل المعونه
اذا العلم بيع وشفت للجهل شارين=فغسل يدْك من وقت زادت فتونه
ملبس ولابس له عمامه وفكرين=ومطرب لبس بشته وسوق فنونه
فكم من ممثل تاب من طبعه الشين=وكم ماكلن رشوه مبني حصونه
تفشى الربى والناس ماتقضي الدين=وعم الفساد البر والبحر رونه
تسافر على اليابان وان تبغي الصين=بسرعه تقارب للزمان وجنونه
وشوف الحفاه ان جيت لدبي والحين = بمكه تطاول بالعماير ترونه
من الكمبيوتر والفضائيه اقرين =وباقي قرون ابليس فيه امخزونه
الا واوجودي وين عز اهل حطين =وعصر الرشيد الي لنا يذكرونه
وعصر الرسول وصحبه اهل الميادين=بسيف الجهاد الي مكينه ركونه
تمادى بني صهيون فوق الاراضين =وفوق ارضنا لاهل الصليب الف خونه
لو انا تكاتفنا وسقنا البراهين =وعشنا بدوله واحده لامهونه
ولكن مابه مخلصن يجمع الفين=وكلن على حاله تقرقع سنونه
الا يازمن للعالم اضحى عيارين =مقاييس مختله عن العقل بونه
تجد راضي وفاضي وقاضي محامين=ومطلوب منا لليهود الليونه
عجزت آجد إلها حل لو هي بحلين=وقافي مشرّع للذي ينقضونه

[الطائر المهاجر]

صح لسانك وفكرك
ولا هنت
لي عوده
تحياتي

[داعي الشوق]

صح لسانك يا بو محمد

شاعر كبير و صاحب موقف و رائع

في كل الحالات

لله درررك يا فلاح

و صح لسانك مليوووووووووون

مع التقدير لك

و الاحترام

،،،،،،،،،،،،،،،،،،،،،،،،

[سعيد الصاعدي]

الاخ الفاضل / فلاح بن منشار
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[سناعيس]

اذا العلم بيع وشفت للجهل شاريـن
فغسل يدْك مـن وقـت زادت فتونـه

الله الله
وحتى لو كانك قافك مشرع لن نناقضه
فالجزالة هي العنوان له
ولا نقول الاصح لسانك ولله درك يابو محمد
دائما لك بصمه وطرح رائع ومفيد
لاهنت

تحياتي

[نجم الإبداع]

المشاركة الأصلية كتبت بواسطة الطائر المهاجر

صح لسانك وفكرك
ولا هنت
لي عوده
تحياتي

صح بدنك يابو عبدالله

يشرفني مرورك وتسعدني عودتك شاعرنا

لاعدمتك

[عدنان كريزم]

ينادي العرب من فخر وينادي الديـن

وصوته يصل لقلوب مـن ينكرونـه

يشوف الحقيقه بالعيـون المياميـن

تحدى بني صهيـون لـو يصلبونـه

يحب الكرامه تحت صوط المعاديـن

ولا الذل في دار التـراف والمنونـه

============================== ======================



الله الله الله


قمة البلاغه هنا يا ابن منشار



صح لسانك ملالالايين

[مبروك بن ماضي]

الاخ الكريم الشاعر / فلاح بن منشار
حضور شعري فاخر كالعاده
حضرت هنا :
لأنال شرف التوقيع تحت هذه الباسقه
دام شعرك رساله ومناره للأجيال
تقبل تحياتي واحترامي
أخوك / بن ماضي

صح لسانك يافلاح


انا اشهد إن قافك ينومنسي

دائما ً ....لاعدمناك





احترامي

[الـزلـزال]

لو انـا تكاتفنـا وسقنـا البراهيـن=وعشنـا بدولـه واحـده لامهونـه
ولكن مابه مخلصـن يجمـع الفيـن=وكلن علـى حالـه تقرقـع سنونـه

فلاح بن منشار
قصيدة رائعه وفي الصميم
من شاعر ونجم تعودنا منه تقديم كل مميز
مبدع فلاحنا ومروي للذائقة دائمآ
صح لسانك ملايين ملايين
ولك فائق تحياتي وتقديري