اقبلت تمشي على شط البحر(بالصوت)

[الطائر المهاجر]

اقبلت تمشي على شط البحـر= مهرةٍ شقرا القمر باوجـانها
تتبـع الأمواج والبحر إن هـدر= تـرفع الفستان عن سيقانها
وان تهـاود أو إذا منّه حسـر= دنقت ، والموت في اكفانها
كامله بالـزين في طرفٍ حـور= درة والــدر من اكنانهـا
لو يقال الحور من ضمن البشر= قلت حوريّـه وذا برهانهـا
مـدري ارقبها أو انظـر للبحر= والشمس تقفي الى حسبانهـا
ماعـرفت الزين يسحر للنظـر= لين شفت السحر في اجفانها
شمس تغرب عارف عندي خبر= وشمس تطلع شاكر لاحسانها
غاطسٍ فكري ، أهوجس بالامر= بين حـلم وعلم في قلبانهـا
اختفت مني مثـل لمح البصـر= واثـرها جنبي وانا ذهلانها
قلت بسم الله وقالت ، لا خطر= مثلك ، انسيّه ، تبي فهمانهـا
ليش تنظر بي عسى مابي كدر= ما لقيـت إلا أنـا باركانهـا
انحرجت وقمت افكـر بالعـذر= ويش اسوي دام صح لسانهـا
قلت عذريني أنا احب البحـر= انشغـل به وتناسى احزانهـا
ارقب الامواج تضرب بالصخر= وانحدار الشمس في غبّانهـا
قالت الامـواج ما تعرف غـدر= مثل غـدر الناس في خلانهـا
البحـر حبّي إذا ضاق الصـدر= اتنـاسى دنيتـي وجنانهـا
فـي حياتـي زاد غمي والكـدر= ما لقيت إنسان يفهم شانهـا
خذت لي واحد بعد طول الصـبر= قـال أحبـك ، حبته ديبانهـا
كنت أحبه موت ، لو يامر أمـر= اندفع للمــوت أو نيرانهـا
كنت احطه وسط قلبي والنظـر= مـالك روحـي بكل اركانهـا
رحت انا وياه في رحـلة سفـر= ندوّر الـراحه بعد فقدانهـا
ثم جينا وفي المطار احلى قـدر= شنطتي فيها البلى باوزانهـا
ملغمه هـيروين ، أندر ما نـدر= انكشف زوجي وخسر رهانها
وابتدا يصرخ مثل بحـر هـدر= ينفي التهمـه ، يبي بطلانهـا
قالوا العب غيرها كشف الأمـر= الرسالة واضحٍ عنـوانهـا
قبــلها ثنتـين زوجـات درر= خذتهن ، ناوي على فعلانـها
بين حلـم وعلم أو مثل الخـبر= انطعن في الروح في وجدانها
انهصر قلبي مثـل عـود انكسر= طعنته صعبٍ عليّ نسيانهـا
بعـدها اقسمت واعطيت النـذر=غير شايب ما أبي إنسانهـا
الـرجل ماكـر ، واذا منه كبر= تقتوي روحه يزيد إيمانهـا
وهي تحكي ، رحت في كان وخبر=عايشٍ باحلام من اشجانهـا
ياحسايف ، كيف ضيعت العمـر=باخسٍ نفسي، جهل باثمانها
من يحصـل مهرة مثل القمـر= تقدّر الشيبان في أزمانهـا
ودقني هوجـاس ينذر بالخطـر= اهمله قلبي ، حلم باحضانها
رفت عيوني ، وشافت من يمـر= طفل عـدّى هامسٍ باذانها
وطمـرت تركض ويلحقها البـزر= ما اشوف إلا غبر سيقانهـا
وشرطي يلحق وراهـا ما قـدر= قلت وش عندك ، تبي لحقانها
قال نصّـابه ، ترى ربك ستـر= انتبـه ياما كثر صحبانها
بعضكـم يكـبر وعقله في صغر= من يشوف الشقرا ضاع بشانها
لو هو مطـوّع إذا سافـر دشـر= جايعٍ ، عطشان ، مع شيطانها
وبعضكم دينـه قـريب للكفـر= لو يصلي ، لو يطوف أركانها
ماخـذ دينـه ستــار للعهـر= ما حسب للموت أو نيرانهـا
مثـل ذولا سوسةٍ تنخـر نخـر= تنشر الأمراض في بلدانهـا

[الأموره]

لووووول ،،

اندمجنا و بالاخر نصابه ؟

ربي يسعدك دوم يالعم ،

يا زين هالقصيد ،،

صح لسانك ملايين ،،

سلم بوحك و دام نبضك ،،

الف شكر لك ،،

دمت برعاية الخالق ،،

[ابومياس]

الله الله

ذكرتنا با ايام البوابة

سبق ان صافحت هذه الرائعة

صح لسانك ودام حرفك

دمت بخير

[الطائر المهاجر]

شكرا لأختي الفاضلة / الأمورة
على كريم الحضور والتفاعل الراقي كالعادة
تحياتي الطيبة

[حي الضمير]

صح لسانك يابو عبدالله قصائدك دائمآ تحمل المفاجاءات

وصف دقيق للحالة ...لافض فوك يانادر

[الخنساء]

صح لسانك مشرفنا
لاهان راسك قصيدة رااائعة
سلمت وسلم شعرك
دمت بخير

[عبدالرحمن الصباح]

المشاركة الأصلية كتبت بواسطة الطائر المهاجر

اقبلت تمشي على شط البحـر= مهرةٍ شقرا القمر باوجـانها
تتبـع الأمواج والبحر إن هـدر= تـرفع الفستان عن سيقانها
وان تهـاود أو إذا منّه حسـر= دنقت ، والموت في اكفانها
كامله بالـزين في طرفٍ حـور= درة والــدر من اكنانهـا
لو يقال الحور من ضمن البشر= قلت حوريّـه وذا برهانهـا
مـدري ارقبها أو انظـر للبحر= والشمس تقفي الى حسبانهـا
ماعـرفت الزين يسحر للنظـر= لين شفت السحر في اجفانها
شمس تغرب عارف عندي خبر= وشمس تبقى شاكر لاحسانها
غاطسٍ فكري ، أهوجس بالامر= بين حـلم وعلم في قلبانهـا
اختفت مني مثـل لمح البصـر= واثـرها جنبي وانا ذهلانها
قلت بسم الله وقالت ، لا خطر= مثلك ، انسيّه ، تبي فهمانهـا
ليش تنظر بي عسى مابي كدر= ما لقيـت إلا أنـا باركانهـا
انحرجت وقمت افكـر بالعـذر= ويش اسوي دام صح لسانهـا
قلت عذريني أنا احب البحـر= انشغـل به وتناسى احزانهـا
ارقب الامواج تضرب بالصخر= وانحدار الشمس في غبّانهـا
قالت الامـواج ما تعرف غـدر= مثل غـدر الناس في خلانهـا
البحـر حبّي إذا ضاق الصـدر= اتنـاسى دنيتـي وجنانهـا
فـي حياتـي زاد غمي والكـدر= ما لقيت إنسان يفهم شانهـا
خذت لي واحد بعد طول الصـبر= قـال أحبـك ، حبته ديبانهـا
كنت أحبه موت ، لو يامر أمـر= اندفع للمــوت أو نيرانهـا
كنت احطه وسط قلبي والنظـر= مـالك روحـي بكل اركانهـا
رحت انا وياه في رحـلة سفـر= ندوّر الـراحه بعد فقدانهـا
ثم جينا وفي المطار احلى قـدر= شنطتي فيها البلى باوزانهـا
ملغمه هـيروين ، أندر ما نـدر= انكشف زوجي وخسر رهانها
وابتدا يصرخ مثل بحـر هـدر= ينفي التهمـه ، يبي بطلانهـا
قالوا العب غيرها كشف الأمـر= الرسالة واضحٍ عنـوانهـا
قبــلها ثنتـين زوجـات درر= خذتهن ، ناوي على فعلانـها
بين حلـم وعلم أو مثل الخـبر= انطعن في الروح في وجدانها
انهصر قلبي مثـل عـود انكسر= طعنته صعبٍ عليّ نسيانهـا
بعـدها اقسمت واعطيت النـذر=غير شايب ما أبي إنسانهـا
الـرجل ماكـر ، واذا منه كبر= تقتوي روحه يزيد إيمانهـا
وهي تحكي ، رحت في كان وخبر=عايشٍ باحلام من اشجانهـا
ياحسايف ، كيف ضيعت العمـر=باخسٍ نفسي، جهل باثمانها
من يحصـل مهرة مثل القمـر= تقدّر الشيبان في أزمانهـا
ودقني هوجـاس ينذر بالخطـر= اهمله قلبي ، حلم باحضانها
رفت عيوني ، وشافت من يمـر= طفل عـدّى هامسٍ باذانها
وطمـرت تركض ويلحقها البـزر= ما اشوف إلا غبر سيقانهـا
وشرطي يلحق وراهـا ما قـدر= قلت وش عندك ، تبي لحقانها
قال نصّـابه ، ترى ربك ستـر= انتبـه ياما كثر صحبانها
بعضكـم يكـبر وعقله في صغر= من يشوف الشقرا ضاع بشانها
لو هو مطـوّع إذا سافـر دشـر= جايعٍ ، عطشان ، مع شيطانها
وبعضكم دينـه قـريب للكفـر= لو يصلي ، لو يطوف أركانها
ماخـذ دينـه ستــار للعهـر= ما حسب للموت أو نيرانهـا
مثـل ذولا سوسةٍ تنخـر نخـر= تنشر الأمراض في بلدانهـا

ابوعبدالله ودي اقتبس منها ابيات مير القصيده كلها ابداع في ابداع دره وربي من الدرر صح السانك وعلا شانك وسلمت استاذي

[مبارك أبوظهير]

بوعبدالله


صح لسانك .. وقواك الله



قصيده جدا جميله .. والأجمل حضورك .. سيدي



إعجابي .. غلاااااااااااي



م ن

[طلال سويعد]

مليون صح لسانك

جميل هذا النص راقي

مترف بالوصف الزاهر

دمت بكل الود

[بنت النور]

كنـت أحبـه مـوت ، لـو يامـر أمـرانــــدفـــــع لـــلـــمـــوت أو نــيــرانـــهـــا
كـنـت احـطـه وســط قلـبـي والـنـظـرمـــالـــك روحــــــي بـــكــــل اركــانــهـــا
رحــت انــا ويــاه فــي رحـلــة سـفــرنــــــدوّر الـــراحـــه بـــعــــد فـقــدانــهــا
ثـم جينـا وفـي المطـار احـلـى قــدرشـنـطـتـي فـيـهــا الـبـلــى بـاوزانــهــا







ابداع في همسك .. ولذة حرفك ..
تستهويك الحروف ..
وتعشقك المفردات ..
وتجود المعاني في حضرة قلمك ..
وصح لسانك
لاهنت
احياتي