في عالمٍ سادته اعراف وضعيه

[الطائر المهاجر]

في عالمٍ سادته اعراف وضعيه = ودرب المصالح فلا قيمه لإنسانه
شعوب مقسومةٍ اقسام ضمنيه = والمعترف به هو الي صاير بطانه
من خادمٍ فاقدٍ ذاتٍ وشخصيه = ماله كرامه وقابل كل حقرانه
اما البقيه من شعوبٍ عربيه = مثل الصفر عن يسارك مالهم خانه
وحتى يحصل بعضهم بعض اهميه= عدّل بشكله واساليبه وميزانه
ولا من رأيته تحلل من مباديه = يقول هذي مرونه تعلي لشانه
يتحول الناس في صبحٍ وعصريه= خدام للي وصل من بين اقرانه
انا اشهد ان العرب فعلٍ وماريه= صاروا رموز الفساد ومنبع خيانه
كلٍ يبيع لضميره لو بربيه = وعينه على القرش ظنه يعلي اركانه
حتى غدو كالقطيع بوسط بريه = ماعاد تفرق معيز العرب من ضانه
تسمع مطالب بعدلٍ معه حريه = وهي شعارات تغري كل خيفانه
تنفذ مخطط خبيث القصد والنيه= ضرب العرب في بعض شيبه وصبيانه
فالحرب تاكل بهم والكل في غيه= شرقٍ وغربٍ بقحطانه وعدنانه
كل الهدف مايبو وحده اخويه= تعزز وجود العرب او ترفع اركانه
اهل الخيانه كثر في كل ناحيه = كل بنفسه ولا يحكمه ايمانه
ذولا وامثالهم ما ينومن طيه = طابور خامس عميلٍ يقبض اثمانه
واللي بمباديه عايش في مآسيه = بين البطاله وفقرٍ قص جنحانه
مهما حصل له فهو تلقاه في الهيه= يفادي بروحه اذا نادته اوطانه
والعاقل اللي اذا نعسان في فيه = لابد يدرك بأن الشمس بوزانه
ما صار للغير من فوضى دمويه= لابد تاصله مهما صك بيبانه

[داعي الشوق]

صح لسانك و طاب حالك

والله يصلح احوال المسلمين

لاهنت يا دكتور و صح لسانك مدد

[منيع]

لابـــــد تـاصــلــه مـهــمــا صـــــك بـيـبــانــه

جزل ومبدع ورائع
شكرا لك
تحياتي

[هترل]

كــل الـهـدف مـايـبـو وحـــده اخـويــه=تعـزز وجــود الـعـرب او تـرفـع اركـانـه

صح لسانك يابو عبدالله مليون ولا يسدون
دام ابداعك يالجزل لاهنت
ودي

[نجم الإبداع]

صح لسانك يادكتور

والله يصلح الحال

لاهنت

[حرف وشعر]

صح الله السانك

نص واقعى يالشيخ ،،

[الطامي]

صح السانك دكتور
قلت فأجدت لافض فوك
لاهنت

[الراقي]

قصيده من الطراز الاول
صح لسانك مداد
ودي واحترامي

[حي الضمير]

جزله وابدعت ابوعبدالله
لافض فوك
وصح لسانك ملايين

[ساهر الليل]

رائع ياعود

صح لسانك وفكرك

الله يصلح الاحوال

تحياتي لك