احب الزين ..حب في الحج(بالصوت)

[الطائر المهاجر]

احب الزين واشعر بابتهاجي = اذا من شفت ريمٍ عسوجيّه
يفزّ لها فؤادي باختلاجي = كما العصفور نزاته سجيّه
ولكنّه يقاوم للعجاجي = اذا هبّت رياحٍ موسميّه
الينه طاح في وقتٍ مفاجي= بريمٍ سحرها فالجاذبيّه
ببيت الله ونا بالحج راجي = عسى تغفر ذنوبي والخطيّه
رآها بالسعي دلّ وغناجي = اذا من أقبلت شفت المنيّه
عقود الدرّ تلمع بانبلاجي = بثغرٍ ما عرف للمكيجيّه
وطرفٍ فيه للعاشق ملاجي = حنان ودفئ من بين البريّه
اراقبها وانا مرخي حجاجي= تقبّل في الحجر.. لاواهنيّه!
وقفت لها وبالهمسه اناجي= "حجر اسود ولا ردّ التحيه؟"
تعالي واكسبي اجر بعلاجي = بكلمه تنقذ الروح الرديّه
وهاج الورد في الخد انزعاجي = وقالت : "حجتك ماهي نقيّه"!!
"جمالك فاتنٍ لعب بمهاجي = منين الريم وضّاح الثنيه"؟
"اصيله بنت اصول في نتاجي = ربوّة عزّ من نجد العذيّه"
رمت جمراتها قلبٍ زجاجي= "منى" وابليس اخطتهن سويّه
وصابتني شظاياها الوهاجي = بوسط الروح نيرانٍ وكيّه
فسد حجي وسعيي بالدواجي = اتابعها بروحاتٍ وجيّه
وغابت مثل نجمٍ في الدياجي= ومعها قلبي الواهي مطيّه
سنين طوال ابحث بالفجاجي= امل مفقود واحزاني هويّه
ابرحل واطفي بدربي سراجي = لعل القاه ليله سرمديّه

[ماجد الزيد]

"اصيله بنت اصول في نتاجي
ربوّة عزّ من نجـد العذيّـه"

والله أبلشتونا بنجد العذيّه ياهل نجد الي يسمعكم يقول مدينة الضباب مابها الا الحر والزحمات
عموما صح الله لسانك يابو عبدالله رائعه وكايفه اطربتنا بها

[مبارك أبوظهير]

الله الله



أبدعت .. لكنك أفلست من الحجه ومنها



العود



صح قلبك وفكرك .. قصيده جدا كااااايفه




لاهنت لاهنت



غلااااااااااااااااي



م

صح لسانك
والله يعين قلبك لكن ابيات جميله لو ان فيها معاناة ومطاردة سراب
الله يعافيك استمتعت بسماعها
تقبل مروري وتحياتي

[الخنساء]

صح لسانك مشرفنا
قصيدة رااائعة لاهان راسك
الله يكون بعونك بتلك المعاناة
سلمت وسلم شعرك
دمت بخير

[منيع]

ههههههههههههه
حج غزل بس ياليتهاصاكة جبهتك بكم حجره
ذكرتني بقصيدة اللويحان

ياحمامـه غريبـه عنـد بـاب iiالـسـلام = شفت رسم الهوى بأطراف جنحانها
ذكرتنـي طواريـق الهـواء iiوالـغـرام = حارت الرجل بالمسعى على iiشانهـا
رسمها رسم نجداللـي سقـاه iiالغمـام = ياعـرب كـن زهـر لــورد بأوجانـهـا
عقبهاالعـيـن مـاذاقــت iiلذيذالـمـنـام = مـن يـلـوم العـيـون بـشـوق iiخلانـهـا
أتـنـشـد ولا جـانــي وكـيــد iiالـعــلام = عسكرالقلـب عقبـه مـات iiسلطانـهـا

[محمد الأحمري]

عقود الدرّ تلمـع بانبلاجـي
بثغرٍ مـا عـرف للمكيجيّـه
وطرفٍ فيه للعاشق ملاجـي
حنان ودفئ من بين البريّـه

صح لساااانك وعلا شانك
أستاذي الكريم
جمال في التوصيف
وقوه في الكلمة
لاحرمنا هذا النزف الرائع
تحياتي وتقديري

محمد الأحمري

[الصريح العتيبي]

الاخ/ابو عبدالله
صح لسانك واعتلى شانك
طائرنا المهاجر
دمت بخير

[عبدالعزيز العقيدي]

أفا يا ذا العلم
ضيعت الحجة عليك يا دكتور

رمت جمراتها قلبٍ زجاجـي
"منى" وابليس اخطتهن سويّه
وصابتني شظاياها الوهاجـي
بوسط الروح نيـرانٍ وكيّـه
فسد حجي وسعيي بالدواجـي
اتابعهـا بروحـاتٍ وجـيّـه
وغابت مثل نجمٍ في الدياجـي
ومعها قلبي الواهـي مطيّـه
سنين طوال ابحث بالفجاجـي
امل مفقود واحزانـي هويّـه
ابرحل واطفي بدربي سراجي
لعـل القـاه ليلـه سرمديّـه

بس تدري أنشاء الله أذا
الله جعلنا من الحيين نحج أنا وأنت السنة الجاي

ما فيك حيلة يا الطائر المهاجر
الأبداع في مداد قلمك دوم
تحياتي لك

صح لسانك و علا شانك

دمت و لا هنت يالغالى

سجل إعجابى و تحياتى هنا