(( ضاعت هويتنا ))

[غيثان الكثيري]

(( ضعنا ))

أنا شد الأمة شعوب وسلاطين = هيا نعيد أمجادنا والبطولات
تاريخنا ناصع وعندي البراهين = والكل يشهد بادي الأمر غزوات
بدر وأحد والفتح وأمجاد حطين = وأبطالها باقين للحين بالذات
حتى وصلنا مغرب الأرض والصين = ونسيّر العالم برمز وإشارات
من ينصر الله ينصره لو بعد حين = وحنا تخاذلنا على مجد قد فات
ضاعت هويتنا وضعنا من سنين = ومات الضمير وعزة النفس هيهات
كل العرب شعب وحكومات لاهين = تشتتو مابين جوع وديانات
حتى نسينا قيمة العلم والدين = وقمنا نجاريهم بحكم السياسات
من بعد ماكنا على جال نهرين = نهر العلوم ونهر صنع الحضارات
سرنا على الهامش قريب وبعيدين = نشجب ونستنكر ونرفع شعارات
لعب على أعصاب الضعوف المساكين = أهل العقول الضايعة بين نزوات
نبغا نقول أحنا هنا أو مهمين = وحنا ولاحاجة مجرد علامات !!؟؟
ياهيه ياعالم كفايه على مين ؟ = اللي تشوفونه مجرد هتافات
أول قضايانا العراق وفلسطين = والخافي أعظم . بس قلّة خيارات
أما معي أو ضد مابين حلين = نصبح بهم ونقضي الليل آهات
حسره على مجد(ن) توارى عن العين = والحاظر اللي مابقى به مسرات
والا على مستقبل أجيالنا . وين ؟ = طريقهم مظلم ومليان كبوات !!

وسلامة قلوبكم ...............

[منيع]

ياسلام عليك
ابيات واقعيه ومؤثرة
بارك الله فيكم
كل الود والتقدير

[داعي الشوق]

صح لسانك يالشاعر غيثان

قصيدة رائعة

صورت واقع هذا الزمن

لله دررررررك يا غيثان

إبداع جميل و وافي

صح لسانك مع التحية لك

،،،،،،،،،،،،

[عدنان كريزم]

الله الله يالغالي احمد


صح لسانك ولا هنت يالذيب

[سناعيس]

الشاعر غيثان الكثيري
صح لسانك ولله درك
على هذه الرائعه الجزله
وأسأل الله ان يصلح حال الأمة
وتعود الى سالف عهدها وأمجادها
لاهنت

تحياتي

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك يا احمد
تحيتي ومودتي

[صعبة المنال]

صح لسااااانك

صعوووب

[احمد رده الحارثي]

ضاعت هويتنا وضعنا مـن سنيـن
ومات الضمير وعزة النفس هيهـات
كل العرب شعب وحكومـات لاهيـن
تشتتـو مابيـن جـوع وديـانـات

اي والله يا غيثان

ضاعت هويتنا

صح لسانك

وعسى الله يعدلها وانا اخوك

تقديري

[مجدي صالح المبارك]

الشاعر القدير ( غيثان الكثيري ) صح لسانك وجاد بيانك على هذه القصيدة التي تفيض حساً عربياً وإسلامياً متألقاً , لك مني فائق الإحترام والتقدير ودمت بكل خير .

[ناصر عبيد الهواوي]

الشاعر غيثان لله درك
على هالرائعة القيمة معنى ومبنى
وجميع الشعوب ياغيثان تقول ماقلته انت ولكن وش بيديهم
حتى اكثر المسؤلين يعرفون ذلك ولكن مكرها اخاك لا بطل
والله يعيدللامة مجدها
وبيض اللع وجهك