على جال الشعيب

[سمّار]

على جال الشعيب اللي تفرّق منه ركب الحب=جمعت اشتات من ذكراك ومن انقاض احاسيسي
نفضت غبار غطّى صخور كنّا ابوجهها نكتب= مواعيد اللقاْ القادم واماني مع هواجيسي
ونصْدُق كلّ مرّه في الوَعَد وانجي ولا نعجب= وننقش قلب عانق قلب داخل عقد رمسيسي
وموعد كان حاله غير عنده نقْش قلبٌ صبّ= بدأ الموعد وذاك القلب والصخره متاعيسي
نقشت القلب انا بيدي وذيك المرّه مستغرب= وش اللي غيّبك عن موعدٌ له منك تقديسي
وشفتك عقبها ما شفت لانك كنت تتهرب= فهمته نقشك اللي قلت تبغي فيه تدريسي
نقشته قلب يقطر دمّ فوق الصخر ما يتعب= عسى انْ شا الله وقف نزفه وهبّته النسانيسي
وانا ابشّرك قلبي طاب ما ينهَبه من ينهب= وباقي لي من آمالي كثير ومن نواميسي
ترى بالصدفه انا مريّت ذاك الشعب وامجنب= فلا يطري عليك اني باعيد ابني متاريسي
واذا منّك ترى مرّيت جنّب عندها واشرب= قراح الذكريات العذب واسق الركْب والعيسي
وفي جال الشعيب اللي تفرق منه ركب الحب=بتلقى شئ من ذكراك ومن انقاض احاسيسي

[داعي الشوق]

صح لسانك يا بو هاشم

معاني جميلة

و خيال واسع من شاعر جزل

صح لسانك مدد

ولاهنت

[حوريه]

وبــــاقـــــي لـــــــــي مـــــــــن آمــــالـــــي كـــثـــيــــر ومــــــــــن نــوامــيـــســـي

قصيده عذبه كعذوبة شاعرها
صح لسانك مدد
وداااااام حرفك

[الراقي]

مًبٌَِدًٍعًٍ

و مًتُِِّْمًيَزٍُ

شًِْعًٍرٌٍ وٍشًِْعًٍوٍرٌٍ

وٍفْكَرٌٍ

صٍْحٍّ لسٌِِّآنْكَـِِّـِِّ

[حي الضمير]

رائعه وابدعت يامميز
ومدد صح لساااانك

[عبدالعزيز العمار]

سمار

صح لسانك على هالرائعه

بوح جزل وجميل من شاعر جزل ومتمكن

تحياتي لك

[صنداح الزلامى]

سمار

صح لسانك على هالرائعه

بوح جزل وجميل من شاعر جزل ومتمكن

تحياتي لك

[منيع]

اكثر من رائعة
تسلم اخي الكريم
تحياتي لكم

[الطامي]

سمار
صح السانك ملايين
رائعة جدا
لاهنت اخي

[نجم الإبداع]

ارحب ياسمار

وصح لسانك على المصافحه الطيبه

لاهنت

تقبل مروري

وتقديري