09-06-2009, 07:29 PM
|
رقم المشاركة : 1 | |||
|
فلاح)سلامي على العود الذي يوفي المكيال= والا من رمى مايخطي اهداف منصوبه
سألتك عن الي تغير اليوم فالاجيال= ودورات جت ياعود ماهيب محسوبه عثمان)عليك السلام وعودك اليوم زاد هبال=يكتّب قصيد وينشره ما نوى التوبه يهاجم بلا يمه يبي شاعر ينقال= وهو من يصفصف هرج بحروف مكتوبه فلاح)انا شفت برقن ناض في نوضته غربال = ورديت رمي احنيف يومه لوى روبه ولولا الحياء ياعود كانت تصير اهبال = وبالقايله نيران بالحيف مشبوبه عثمان)لأنك خبل مثله عسى ما تزيد خبال= فمن طاوع العود المصرقع جدع ثوبه فما كلما تلقاه مكتوب يالطبال= تطبل عليه وتحسبه خيل مركوبه فلاح)ارى كل قدرن بالذي فيه ينضح سال = وعميت عيوني واحسب ان الفرح جوبه عثمان)لأنك تكثر فول فابعد عن الفوال=وخل الأكل ساعات ما فيه معصوبه فلاح)انا ماني الطبال خيال يالعيال = وجيتك على خيل القوافي ومرتوبه نويتك فلا تهرب ولا تعتذر بالحال = ولا تاتعجل قبل ماتبصر الشوبه عثمان)اشوفك على بغل يجرك بلا سروال=تظنك تحط الطير بيديك العوبه وانا انصحك لو تصبح على دربنا بقال=وتبيع العرب بالدين والسهم محسوبه فلاح)تبينا نكمل ياعويد الهنى الدجال = وبالصوتي الليله تجي الحان مسكوبه الاصوات صوت هروش لو جالنا الزلزال = لصارت جميله يمدحون العرب كوبه عثمان)نبي نشتف الآذان بالشعر لا الجنجال= ونطرب ونطرب من بغى الفن باعجوبه واذا صوتك تظنه يبي سمكره فالحال= معاي الدوا فاطلب وتطرب لدبدوبه فلاح)خلاص اتفقنا وعد من يخلفه دجال = ومابي دواك ومامعي صوت بالنوبه عثمان)اغير لك حبالك وتنعم بطيب حبال= اذا من رغيته ظنوا الناس بك نوبه فلاح)باجي واستمع لاصواتكم واشرب الفنجال = وعندي حبال الصوت ياعود مسحوبه عثمان)بسيطه نبدلها ولو هي حبال بغال= ترى صالحه في هالزمن وي محسوبه فلاح)حبالي اسرقوها من زمان الهوى لطلال= صداها وذكراها في القلب منصوبه لكم مالت اجسام الهوى لاجلها ميال = وعقب المشيب انهيت ونات مطروبه عثمان)ودفنت معه مسكين جاه البلا بالحال= بعد ركبوها جاته اقدار مكتوبه تبي سمكره في الهند او ديرة البنقال= ترجع لك الأصوات لو كان منهوبه فلاح)انا وانت خربنا مزاج العرب ياخال= فخاف الذي سواك فالناس ياقوبه تبي يرقصن حولك ويسمعنك الخلخال = وصوتك يخوف فيفي عبده مع زوبه الطائر)مزاج العرب خارب بعد لبسة البنطال= وضربٍ من الحاشي مع الكاس مشروبه ولاهيب فيفي مثل صوتك يابن دلدال= اذا من رغيت الناس خافت من حروبه فلاح)رجال العرب حكمن عليهم ذوات الشال =من الغرب كيل انتن ورايس وحبوبه وانا معك ياها العود فوق الجوى نجتال = يابو صوت كنه صوت هرشن على طوبه عثمان)رجال العرب ياخوك ياوي نعم رجال= مثل غيرهم في الكون للبنت العوبه فهذا كلنتون راح باسبابها في الحال= وغيره وغيره فالبنت مصدر الكوبه آخر تعديل نجم الإبداع يوم 10-06-2009 في 12:28 PM.
|
|||
|
|
09-06-2009, 07:50 PM
|
رقم المشاركة : 2 | ||||
|
اقتباس:
لاوالله الا راحت بالتريله الكل مكم صح لسانه جزلين والكل منكم بحر الله لايهينكم تحياتي |
||||
|
|
|
09-06-2009, 09:23 PM
|
رقم المشاركة : 3 | |||
|
هههههههههههههه ابو محمد ههههههههههههه |
|||
|
|
|
09-06-2009, 10:27 PM
|
رقم المشاركة : 4 | |||
|
صحت السنتكم على هالمطولة |
|||
|
|
|
10-06-2009, 12:14 PM
|
رقم المشاركة : 5 | |||
|
ممتعة |
|||
|
|
|
10-06-2009, 01:40 PM
|
رقم المشاركة : 6 | |||
|
هههههههههههههههه |
|||
|
|
|
15-06-2009, 05:13 PM
|
رقم المشاركة : 7 | |||
|
يعطيكم العافيه جميع...ولاهنتو |
|||
|
|
|
16-06-2009, 12:29 PM
|
رقم المشاركة : 8 | |||
|
صحت السنتكم |
|||
|
|
|
18-09-2009, 01:27 AM
|
رقم المشاركة : 9 | |||
|
ابدعتم وامتعنم ياشعار
وصح السنتكم |
|||
|
|
|
30-09-2009, 04:03 AM
|
رقم المشاركة : 10 | |||
|
صحت السنتكم |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المرتوووو((فلاح والطائر))ووووووبه
