احداث غزه

[عبدالرحمن بن زهير]

السلام عليكم ورحمة الله وبركاته
لم اكتب جديد منذ فتره ولكن في مثل مانحن فيه من موقف وتضامنا مع اخواننا الفلسطينيين رجعت بهذا النص الذي اتمنى ان يرقى إلى اذواقكم....

الصدر يزفر غضب والنفس مقهوره=لعيون غزه واهل غزه ومقدسنا
يأمة الضاد وين العزم والثوره=صهيون هايج وكله من تخاذلنا
زيف الشعارات يخدعنا بديجوره=ماغير نشجب وحنا مثل ماحنا
من عام ستين نفس الهم و الصوره=نفس الحدث ينعرض حتى تعودنا
والقدس ضاقت مساحاته من قبوره=لومات مليون ماهزوا مشاعرنا
نركض ورى شاعر المليون والكوره=واسعار الاسهم وكم ربحت محافظنا
وفلان عمر قصور وحط نافوره=وهذاك فاز بلقب باكبر مزاينا
يعني نسوي فرح بقلوب مقهوره=وندق طبله ونغفل عن مجازرنا
عدوان الإسلام ساد وطالت اشبوره=والله يستر ولا تكبر مصايبنا
يشيب راسي بشوف اطفال مذعوره=وارجول الأوغاد تدعس فوق موطنا
لوهي بعتمت ظلام انقول مغدوره=لكن تموت الرجال وهي تعاينا
ارتص جيش اليهود وكبر طابوره=ترسانته تزحف وجنده تحاربنا
وش ننتظر من ربيع العمر وزهوره=والذل يمشي معانا وين ماكنا
تبقين ياقدسنا بشموخ معموره=وإن كان ذلوك معروف السبب منا

[سناعيس]

الفاضل عبدالرحمن بن زهير
صح لسانك ولله درك
اديت الرسالة كما يجب بهذه الرائعه
لاهنت وبيض الله وجهك


تحياتي

[مبروك بن ماضي]

الاخ الفاضل الشاعر/ عبدالرحمن بن زهير
صح لسانك مدد بلا عدد
وربنا يكون في العون
لانملك لهم غير الدعاء
سجل اعجابي بهذة الشامخه
وتقبل تحياتي وتقديري ،

[عبدالرحمن بن زهير]

سناعيس تشرفت بوجودك لاهنت

[عبدالرحمن بن زهير]

صح بدنك يا بن ماضي ولاهنت وجودك يعني لي الكثير

[منيع]

ترجمت واقع اليم ومؤسف لهذه الامة المتخاذلة
بارك الله فيك
تحياتي

[نجم الإبداع]

صح لسانك ياعبدالرحمن

والله يصلح الحال

جزل

لاهنت

تقبل مروري

وتقديري

[الطامي]

بن زهير
صح السانك وبنانك
وافية من وافي
لاهنت اخي

[ناصر عبيد الهواوي]

الله يوفقك يا اخوي غبد الرحمن على المشاعر الصادقة والنضم الراقي والأبداع الرائع ويكتبها بموازين حسناتك لأن هذا هو اللي نقدر عليه ودمت مبدعا

[داعي الشوق]

سلمت يالشاعر عبدالرحمن

و صح لسانك

مليوووووووووووووووون

قصيدة كـ السيف

لله درك

وصح لسانك مع التحية لك

،،،،،،،،،،،