[سنوات الضياع] :!!!

[مبروك بن ماضي]

{ سنـgات الضياااااع }

من ستة أشهر أو سنه وسوال في عقلي يدور = وش هالتعلق بالفنون الفاسده والانصياع !
واريد ردّ إمْنَ الذي قاعد يتابعهم شهور = هل من مشاهدْتَ الدراما فائده أو إنتفاع
ما كل من (مثّل)0وسجّل وسط شاشتنا حضور= نقبل سخافاته ونعجب فيه من دون إمتناع
الغير لو قدم لنا قصة عِشْق(عنزه) (وثور)= ابهر بها جُهالنا : في مثل ( سنوات الضياع )!!
مسلسلٍ يعزف على اوتار المشاعر والشعور= يخاطب أفكار النشئ ويتابعونه بإندفاع
وآخر يسمى (نور) واشهد ان مافي نور/ نور = كم بنت باسبابه غوت0ايضاً وكم من شاب صاع
إليا متى نجري ورى صرعت ثقافات القشور = ويعيش جُل أجيالنا في أزمة أخلاق وصراع
لابد مانبحث عن اسباب التحول/ والقصور = اللي حصل من اجل نوصل في النهاية لـ إقتناع
لو نسأل الشبان مثلاً عن قضية (دارفور) = كان إسلونا وين هالمشكل وفي أي البقاع!!
لكن لو تسأل عن الموضه وعن شركة ديور = تلقى الكثير اللي عرف، ومن بضاعتها ابتاع
عوامل التغريب عملت في ثقافتنا بثور= وغطت الوجه الحقيقي للأصاله بالقناع
وآقول طوبى ثم طوبى للعذارى في الخدور= اللي يحاول جرهن الاعلام 0لكن ماستطاع
والعز والرفعه وكل المجد للشاب الغيور= المحترم الملتزم اللي عبد ربه وطاع
من هو (مهند)لجل تُعجب به مره 0 جعله يغور = من هي (لميس) اللي بها كم من صبي أُعجب وماع
مامن وراهم غير جلب السؤ وتصدير الشرور= باسبابهم قل الحياء في من يقلدهم وشاع
وماتت الغيره سبب أهل التفسخ والفجور= اللي يرون ان المره في عرفهم سقط المتاع
وش نرتجي من شاب مايع غير تعقيد الامور= كل من تشبه به من الشبان ضل عقله وضاع
عز الله إن ْ ماهو هوى الخفرات من ضُمرْ الخصور = اللي مايلتفتن الى مثله من الناس الرعاع
الطيّبه تلقى لها طيب 0 وكل شينه تبور= مهما الخبيثين انبروا عنها جميعاً بالدفاع
يالمسلم اللي دايماً0طبعك على اهلك غيور = لاتترك ابناءك مابين وْحوش وذيابٍ جياع

أخوكم ومحبكم / بن ماضي

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[العيناء العامريه]

صح لسانك والله انك ما قصرت فيهم ....

ربنا يقويك

[حي الضمير]

صح لسانك وقلبك شاعرنا المتجدد مبروك بن ماضي
قصيده رائعه عن واقع مرير
وابدعت ابدعت حيل يامميز
سجل الاعجاب والتقدير ايها النجم

[الـزلـزال]

الطيّـبـه تلـقـى لـهــا طـيــب 0 وكـــل شـيـنـه تـبــور=مهـمـا الخبيثـيـن انـبــروا عـنـهـا جمـيـعـاً بـالـدفـاع

مبروك بن ماضي


قصيدة حكت لنا قضية غزو فكري

أبدعت في تناولك لها بكل أقتدار

صح لسانك ملايين ملايين

لك تحياتي

[سناعيس]

شاعرنا الفذ مبروك بن ماضي
صح لسانك ولله درك
فهذه هي رسالة الشعر
وهذه الاجتماعيه جائت على لسان الجميع وفي وقتها
لاهنت وبيض الله وجهك
تحياتي

[داعي الشوق]

صح لسانك يا مبروك

مميز دائما ولا هنت يالغالي

شاعر رائع

لك تحياتي وتقديري ،،،

[الخنساء]

صح لسانك اخي الشاعرمبروك

لاهان راسك قصيدة راائعة

سلمت وسلم شعرك

دمت بخير

[سعيد الصاعدي]

الاخ الفاضل / مبروك بن ماضي
صح لسانك لاهنت
نص شعري راقي جدااااااا
من شاعر مبدع متمكن متجدد
الله عليك يابن ماضي تسلم ويسلم فكرك
تحياتي
أخــــــــــوك
س / ص

[الصريح العتيبي]

الاخ العزيز الشاعر القدير/مبروك

صح لسانك واعتلى شانك
ولاهنت على هذا الطرح
لكن من يسمع ومن يفهم
سجل اعجابي وتقبل مروري
دمت بخير