طاغي وله جمهورٍ مشجعينه

[عبدالله الشويمان]

السلام عليكم ورحمة الله وبركاته..

ايها القراء الاكرام..

اترككم مع هذا النص متمنيا ان يحوز على اعجابكم..

عشنا وشفنا وحدِّنا الشوف للبوح=عساه يلقا البوح ناسٍ فطينه
وا.علةٍ بالمجتمع تزهق الروح=من جهَّلٍ فن الخطأ عاشقينه
حوادث التفحيط من كل سلتوح=في كل حي وشارع أكبر غبينه
ويا مهمل(ن) ابنك على غير مصلوح=ناسيه ما كنك حدى والدينه
دللته وخليته بعمره يسوح=ارخيت حبله للعلوم المشينه
ربى على التفحيط ولاهوب مكبوح=طاغي وله جمهورٍ مشجعينه
من قل تربيته بهفواته يلوح=موذي عباد الله بعاده لعينه
كل الشوارع بالبلد فرها اللوح=ضاري على الهفوه من اول سنينه
المسأله ماهي ترى لعب ومزوح=لاتخلي ابنك يزهق انفس ثمينه
حسِّب حساباتك قبل يحضر النوح=لو صار جثه قدم عينك عجينه
كانك رشيد وتفهم النصح بوضوح=إلجم ضناك ودربه للحسينه
خف ربك ويبقى لك البال مشروح=وارقد قرير العين فيك السكينه

عبدالله الشويمان-الرعد

[داعي الشوق]

يا سلام عليك يا بو بدر

عزالله انها قصيدة تبري الجرح

دائما سباق لكل موضوع حساس يالرعد

صحيح ان الشعر رساله ولكن اختلف من يحملها

صح لساااانك مليار

و يجزاك ثوابها

ولاهنت

[الراقي]

سلمت اناملك

جمـآل أحرفك تجبرنـآ ع آلتصفيق لك وبحـرآره ,,

متعه وحضورا دائم ان شاء الله وصح السانك
*

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[عبدالله الدخيل]

عبدالله الشويمان
الرعد

صح لسانك وسلم بنانك
لا هنت يالغالي

واقبل
ودي واحترامي

[صنداح الزلامى]

الشاعر الكبير : عبدالله الشويمان
صح الله لسااااانك واعتلا شااانك شاعر
مبدع في جميع نصوصك الشعرية ولك
ثقل بين شعراء النبط والشعر الشعبي
تقبل اعجابي واحترامي ودمت بخير حال

[عبدالعزيز العمار]

صح لسانك يالرعد

وافيه وجزله أبدعت وأمتعت بها وهذي عاداتك

تحياتي لك

[روح الشعر]

عبدالله الشويمان

نص جزل يحكي معاناة مجتمع بالفعل

قصيده وافيه من وافي دوما

لا هنت ولاهان فكرك

اعذب تحيه

ماجد بن محمد

[ساير الرماحي]

صح لسانك

واعتلا شانك

دوم مبدع يا عبدالله

[الـزلـزال]

عبدالله الشويمان

نص مميز وجزل وهادف
من شاعر عودنا على تميز حروف شعره وأتقانها
أبدعت وأمتعت أبو بدر رعاك الله
دمت ودام لنا حرفك الراقي العذب الهادف
صح لسانك ملايين ملايين
ولك فائق تحياتي وتقديري