مـــعـاناة معـــلمـــه

[مسلم عواد العميري]

السلام عليكم ورحمة الله وبركاته
اسف جدا للانقطاع ولكن الظروف تحكم

جتني تقول العـــــلم صكيت بابه=في يدها تطوي مــلف الشهاده
وعـــندي بعد اختين نفس الاجابه=نشكي ونبكي وينكِ يالسعاده
ان كان تسأل عمرنا كم مضى به=عنـــد الثلاثين وعــليهن زياده
العمر روح وش بقــــى من شبابه=اللي بقى من عمرنا هو سواده
في مــهنة التدريس شفنا العجابه=من شايبٍ حكمـــه علينا قراده
ماباقي الاالجـــرم فـــوقه ثيابه=عنده عذاب النــفس ياناس عاده
يحكـم علينا حكـــم ريس عصابه=حتــى نلــبي له مطالب مــراده
عـند الزواج نشوف تكشر نيابه=يقــول بدري يابناتي جـــواده
عن بيتنا مـردود راعي الخطابه=يطلب هناه وقسمنا بالنكــاده
كلٍ تهنـى وشـاف عقبه وجابه=وحنا انحرمنا من حياة السعاده
حنا الضـحيه لاجل يمـلي جيابه=ماهمه الا القــرش يجمـع اعداده
ياشين خيف الله واذكــر عذابه=ارخ السبيل وخــل عندك جلاده
هذي حياة انسان ماهي لعابه=عنها تحاسب يوم يبعث عباده

[سناعيس]

في مهنة التدريس شفنا العجابـه
من شايبٍ حكمه علينـا قـراده
ماباقي الاالجـرم فوقـه ثيابـه
عنده عذاب النفس ياناس عـاده
يحكم علينا حكم ريس عصابـه
حتى نلبي لـه مطالـب مـراده
عند الزواج نشوف تكشر نيابـه
يقول بـدري يابناتـي جـواده
عن بيتنا مردود راعي الخطابه
يطلب هنـاه وقسمنـا بالنكـاده
كلٍ تهنى وشاف عقبـه وجابـه
وحنا انحرمنا من حياة السعـاده
حنا الضحيه لاجل يملي جيابـه
ماهمه الا القرش يجمع اعـداده
ياشين خيف الله واذكـر عذابـه
ارخ السبيل وخل عندك جـلاده
هذي حياة انسان ماهـي لعابـه
عنها تحاسب يوم يبعث عبـاده

اخوي الشاعر مسلم العميري
صح لسانك
ولكن لايجوز للمعلمة التي تتكلم على لسانها ان تقول
عن والدها بهذه الطريقه مهما كان
صحيح انها قضايا فرديه
ولكن بهذه الصوره كأننا نعمم على الآباء وهذا غير صحيح
لاهنت
تحياتي

[داعي الشوق]

صح لسآآنك يالشاعر/ مسلم العميري

قصيدة تطرقت لمشكلة قرأنا عنها بالصحف كثيرا

و مثل ما قال أخي سناعيس

مشكلة فردية

صح لسانك مع التحية لك

،،،،،،،،،،

[الـزلـزال]

مسلم العميري




بوح جميل وهادف


لامس ألم بعض المعلمات

أبدعت غالينا في طرحك

مبدع ومتجدد رعاك الله


صح لسانك ملايين ملايين


ولك تحياتي

[الخنساء]

صح لسانك ولاهنت
ابيات هادفه ورائعة
تترجم واقع الكثير
سلمت ودمت بخير

[سعد الشقحاء]

صح لسانك
اعتلا شانك

[مسلم عواد العميري]

المشاركة الأصلية كتبت بواسطة سناعيس

اخوي الشاعر مسلم العميري
صح لسانك
ولكن لايجوز للمعلمة التي تتكلم على لسانها ان تقول
عن والدها بهذه الطريقه مهما كان
صحيح انها قضايا فرديه
ولكن بهذه الصوره كأننا نعمم على الآباء وهذا غير صحيح
لاهنت
تحياتي

حي الله اخوي سناعيس وصح بدنك يالغالي
اما بالنسبه لما اشرت اليه اخوي فانا وقفت على
حالات لو اوردت لك بعض من كلامها لما صدقته
وانا لم اعمم الاباء بالقصيده انما تطرقت الى حاله
فرديه ولو تلاحظ كان استخدامي للمخاطبه بالمفرد
سعدت بمرورك وابداء راءيك,,,,

[صعبة المنال]

صح لسانك


صعووب

[عذب القوافي]

الجزل / مسلم العميري

صح لسانك

نص وافي

لله درك يالغالي

تقديري ,,,,,,

[مبروك بن ماضي]

الاخ الفاضل الشاعر / مسلم العميري
قصيده توضح بعض من معانات اخواتنا
صح نبضك وبوحك
ولاعدمناك