النرجسيه

[ساهر الليل]

غــلاك يـاديـره ولـيـفـي سكـنـهـا=حبٌ سكن روحي وانا فيه مفتـون
تشرق نسايـم سلـوة الـروح منهـا=تاج الغلى والحـب لاجلـه يضحـون
الزنـبـق الـزهـري يـغـازل وطـنـهـا=والاقحـوان الـلـي بعـطـره يغـنـون
والنرجسـيـه روحـهـا فــي لحنـهـا=من حلمها باجمـل شذاهـا يكنـون
الـورد كــل اطـيـاف لـونـه حضنـهـا=بيـن الزهـور السوسنيـه لهـا لـون
والفارسـيـه يــوم تـنـثـر شجـنـهـا =خضر الـروابـي تختزل كل مكنون
زاد الغلى في وجـد حــي زبنـهـا=حبـه وشوقـي بالشراييـن يجرون
ياعيـن ياللـي تندرج فــي وجنـهـا =لاتسالـيـنـي لاتقـولـيـن وشـلــون
دام الحلى والطيب خـلـي غبنها =اهل الهوى بالوقت وشعاد يشرون
اهديـت لـه روزه زهـت مـن فتنهـا =نبران تركي سحرها يسبي الكون
وكلـمـة احـبــه زاد قـلـبـي وزنـهــا =حبٌ سكن روحي وانا فيه مفتـون

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[منيع]

كل الروعة والابداع
شكرا لك
تحياتي

[نجم الإبداع]

طيب طيب

صح لسانك يابو نواف

مصافحه فائحة العبق


ياجزل جتك القافيه مع رسنها=كلام من نبع الهوى عذب موزون
صح اللسان اللي الجواهر عدنها=من بحر زاخر بالمعرْفه ومصمون

منتظرين جديدك

ياشاعر

[داعي الشوق]

صح لسانك يا بو نواف

قصيدة نرجسيه ذات معاني طربيه

لله درررك يا مبدع

وصح كلك

[ساهر الليل]

الطائر المهاجر

اسعدني مرورك الكريم

وجمال حضورك الرائع

كل الشكر والتقدير

[ساهر الليل]

منيع

الروعه في مرورك الجميل

كل الشكر والتقدير

[ساهر الليل]

نجم الابداع

صح لسانك على ماسطرت

شكري وتقديري لحضورك الكريم

ومرورك المميز

تحياتي وودي

[ساهر الليل]

داعي الشوق

اسعدني مرورك الجميل

وحضورك الرائع,,,,,,,,

تحياتي وتقديري

[عبدالله الشويمان]

صح لسانك يا ابونواف

قصيده جزله مثل العاده ي الجزل.

دمت بخير ولا هنت