الا يالله عفوك لامعي بيجر ولاجوال

[سعيد مقبل الأكلبي]

من قديمي قصيدة (البيجر والجوال) قلتها قبل حوالي 15 سنه

الا يالله عفـوك لامعي بيـجــر ولاجــــوال=ولا عنـدي وظيـفه والتجـــاره فاشـلٍ فيـها
ولاعندي شهـاداتٍ ولاحــرفه تسـد الحــال=ولا حــظٍ كبير لا اخـطـت الجــــره يقديها
مخابي الثوب تومي مادخلها من زمان ريال=بها فاتورة الكهــرب ولا يمـديني اقضيـها
على ذيك العراوي تتعب الحادي مع الجمّال=ثلاث اشهور فالورشـه وشهـرينٍ مغطيـها
ابيها لو تجـمّـل يـوم واجلـبـها على الدلاّل=يجيـها واحـدٍ حـظه مثل حـظي ويشــريها
نصيت العسـكـريّه يوم قالوا للنظـام رجــال=وقـدّمـت المـلـف وصـورةٍ متشــخـصٍ فيـها
خـذا الاوراق مني واحـدٍ مـا عند ابـوه دلال=سلوم الناس واهل المعرفه والطيب مخطيها
قراهـا في دقيـقه والتفـت عـجـلٍ علي وقـال=شهادتك العظيمه يا ولد وين انت مخفـيها
هزّيت الراس ماعندي تقول اني من البنقال=وقمـت احـب خشـمه واطلبـه بالله تمشّـيها
حـذفها من يده شين الطبيـعه والنبا والفـال=وقـال ازين تعـوّد صـوب نوقاتـك تعشّـيها
تناوشته من الكرسي وعفت الحل والترحال=وضربته بالبياله عقب ما بيّحت شـاهـيها
خذوني للسجـن لا نيب لا ظـالم ولا محـتال=مجـرّد واحـدٍ جـا يكـحل عيونه فيعمـيها
ويوم اني خرجت اقفيت لارض الله وسيع الجال=عـلى بـرٍ هـواه يـداوي العـلّـه ويـبـريـهـا
ادوّر قصعة الجـربوع والضب الفتي يخـتال=والارنب يا شفاة الروح ما احلاها وطاريها
بـلا كهــرب ولابيجــر ولاغـازٍ ولانقّــال=قوانين الحضــاره ماتبي شـوفي ولا ابيـها

وقبل 4 سنين قال لي بعض الزملاء هذي القصيده راح زمانها وتغيّرت الاحوال
ولازم تكتب قصيدة تناقضها فقلت هذه القصيدة التي انشرها هنا

الا يالله طلبتك وانت ماتخفى عليك الحال= ولاتجهلك غرات المخاليق وخوافيها
رضاك ورحمتك لاقرّت النظره وضاق البال= وعفوك يوم تحييها على الدنيا وتفنيها
(عقب ماقلت في سابق زماني مامعي جوال= ولاعندي وظيفه والتجاره فاشلٍ فيها)
(ولاعندي شهاداتٍ ولاحرفه تسد الحال=ولا حظٍ كبيرٍ لا اخطت الجره يقديها)
كتبت من الكلام اللي لذربين الكلام يقال= وزيّنت القصيده يوم شاقتني معانيها
وحمدت الله سبحانه على مايسّر من المال= وعلى حظٍ تقادى للطريق وكان مخطيها
وعينت الوظيفه عسكري يمشي يمين شمال= وظيفه طيبه والطيبه مانيب شانيها
وشريت الهاتف اللي قيمته زادت على الف ريال= سمي المملكه والمملكه يازين اساميها
وسجلت الرجال اللي معَرْفتهم ذرا وظلال= على بيض النوايا والقلوب الله معافيها
وخليت الردي لان الردي ماله معي مدخال= انا لي سكةٍ فالطيب بين الناس ماشيها
وشريت الموتر اللي يكتبون اسمه على التمثال = ليا شاف الطعوس يدوس عاليها وواطيها
واخذت البيت واهل البيت واصبح لي مره وعيال = عقب ماكنت فالشقه عزوبي رايحٍ فيها
وقمت امشي واسولف واتقهوى مع رجال اعمال= على سوق العقار وسالفة الاسهم وطاريها
وتركت الضب يرعى ويتفيّا حزة المقيال= عقب ماكنت بالشكمان محرجها وموذيها
زمانٍ راح واقفى وانتهى مافي الكلام جدال= وعينا الليالي فيه حامضها وحاليها
وعشنا لين شفنا بوشنب متقلد السلسال= تقول بنيةٍ فالسوق تبغي من يلاغيها
وعشنا لين شفنا الشايب اللي يتبع الجهّال= وضاعت هيبته بين البزارين ودواديها
وعشنا لين شفنا الجاهل اللي مامعه مثقال= ولامنه اذن المذّن صلاته مايصليها
وسبحان الذي بامره يجي بين الرِجال رجال= وسبحان الذي بامره يقديها ويهديها

[صنداح الزلامى]

سعيد مقبل الاكلبي





صح لسانك واعتلا شانك قصيدتين



جميلتين من شاعر حكيم اعجابي واحترامي

[زهرة اللوتس]

سعيد مقبل الاكلبي
سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[عالي مستواها]

وتركت الضب يرعـى ويتفيّـا حـزة المقيـال
عقب ماكنـت بالشكمـان محرجهـا وموذيهـا

ما بين غمضة عين وانتباهتها يغير الله من حال إلى حال
ههههههههههههههههههههه الله وأكبر بعد ما كنا كيف اصبحنا ،، الله يفتح لك باب رزقه

صح صح صح صح لسا111نك إبدعت

قصيدتنا كل واحد منها تحكي عن حال وزمان ،،، إبدعت في صياغتها

لله دررررررررررررررررررك


جزله من راس جزل


لا عدمنا111ك على هالقصبد الطيب

يعطيك 1000 عافيه

لك تقديري واحترامي ،،،

[محمد عبدالله البدراني]

سعيد مقبل الاكلبي

سلمه الله


وبهذا القول الفصل


مليون صح السانك

ولله درررررك


الف الف مليون صح السانك ياسعيد


قصيدة ولااروع

والاخرى ماشاءالله توضيح لمسار الحياه وفقك الله دوما



ولاعدمناك يالاكلبي


حضووووووور مشرّف


لافض فوووك


تحيتي وتقديري

[نجم الإبداع]

الله الله

صح لسانك ياسعيد

قصده ذائعة الصيت وحصل حولها الكثير من الجدل

شكرا لاتحافنا وتوضيح الصوره

ورديفتها راقيه جدا

لاهنت


تقبل مروري

وتقديري

[حوريه]

صح لسانك واعتلى شانك

جزله من شاعر جزل ومتمكن

دااام حرفك ونبضك

ولا هنتـــــ..........

.

[الـزلـزال]

زمانٍ راح واقفى وانتهى مافـي الكـلام جـدال=وعينـا الليالـي فيـه حامضـهـا وحاليـهـا
وعشنا لين شفنـا بوشنـب متقلـد السلسـال=تقـول بنيـةٍ فالسـوق تبغـي مـن يلاغيهـا

سعيد الأكلبي


بوح عن الماضي الأليم وبوح عن الحاضر المشرق

وجدنا فيهما الوصف وقوة المعاني والترابط المتقن

كما وجدنا السلاسه والفكاهه بين طياتها


شاعر متمكن وجزل


صح لسانك ملايين ملايين


ولك فائق تحياتي

[صعبة المنال]

شاعرنا المتجدد

الله الله الله

صح لسانك مدد بلا عدد


صعووب

[سناعيس]

الله الله
اسمح لي اقول انك جزل في كل حالاتك
من قبل ومن بعد
صح لسانك وبيض الله وجهك
ولله درك




تحياتي