أثرني لو أني اعلم مضامين القلوب

[سلطان العطاوي]

مواهبيه تحكي عن واقع

أقبلوها أو بالاحرى مرروها مع خالص وفائي للجميع

الله اكبر يا زمان المفاتن والحروب= ما بقى بك للمطانيخ دار ولا ذوي
كل يوم يخيب صاحب وتختل الدروب = وكل يوم يبين دربٍ جديد وملتوي
الصديق اللي منول ليا جات الهبوب = جابته من دافع احساس صدق ومهتوي
فعل طيب ووقفة اخوٍ سنافي ومحسوب= غاب واللي جاء محله مهو شخص سوي
راحت اصدور الأوادم مشاهيب وشبوب= واختلف ظن القرّيب وظن المنتوي
ما تعرف تقول هذا صدوق وذا كذوب = اجتمع حبل الموقر على حبل الغوي
ضحكت السن وتهاتيه حمران اللغوب = ما تفرقها عن الطيب نفس المحتوي
أثرني لو أني اعلم مضامين القلوب = ما بقالي في حياتي صديق ولا خوي

[الآكيد]

السلام عليكم ورحمة الله وبركاته



اخي سلطان العطاوي



صح لسانك على هذه الابيات الرايعه



موفق بإذن الله ... لك مني أجمل تحية .

[فارس القوافي]

الله الله


صح لسانك ياسلطان


يعطيك العافية

دمت بخير

[الطائر المهاجر]

أثرني لو أني اعلم مضاميـن القلـوب
ما بقالي في حياتي صديـق ولا خـوي

الرابح اللي هالزمن ماله خوي=حيث الأخوة تجتمع في المصلحه

صح لسانك ولاهان راسك
اطيب تحياتي

[عبدالله الشويمان]

صح السانك يا اخ سلطان قصيده جزله يا الجزل

دمت بخير وصحه وسلامه

[زهرة اللوتس]

راحت اصدور الأوادم مشاهيب وشبوب
واختلف ظن القرّيـب وظـن المنتـوي

ما تعرف تقول هذا صدوق وذا كـذوب
اجتمع حبل الموقر على حبـل الغـوي


الشاعر سلطان العطاوي
صح لسانك مليون ولا يكفون
جزلة من شاعر تعودنا منه الابداع
لله درك ولا فض فوك
تحية طيبة

زهرة

[شجون القصيد]

الشاعر القدير سلطان العطاوي

صح لسانك مدد بلا عدد

قصيده رائعه حرفا ومعنى

تشرفت بمروري من هنا ومصافحة الجمال

شكرا لك اخي سلطان

ارويتني شعرا

تحياااتي

[عيدالماجد]

الله عليك يامبدع صح لسانك مليون

[منيع]

ابدعت واجدت
بارك الله فيكم
تحياتي وتقديري

[عبدالله راشد الثويني]

شاعرنا الجزل / سلطان العطاوي
أبدعت وامتعت وصدقت كلمات اقل مايقال عنها رائعه وتستحق القراءه لاكثر من مره
تسلم يمناك على ماخطت
طامعين بالجديد دائماً
تقبـّل تحيتي