صفحة الأمس

[حمود السكراني]

هدمتي يوم هجرتيني مباني كنت بانيها=
مطرزها بهمساتك ولمسة حبك الراقي=
وداعة ياسعادة نفس مدري وش بقا فيها=
سوى لحظات من ذكرى وألم من جرحك الباقي=
جبرتيني على كلمة وداع وكنت مابيها=
قتلتيني بكثر الصد حتى ماتت أشواقي=
رغم علمي ولو إني وصلت بالدنيا قاصيها=
ماكان بالدنيا من مثلك بها لدنيا ولالاقي=
ولكن يوم صديتي على ايش حتى نمنيها=
ليامني كرهت الماء كرهت من كرهه الساقي=
وأنا يومٍ نظرت النفس بأولها وتاليها=
لقيت ان القناعة مذهبي في داخل أعماقي=
و اذا نفسي دعاها يوم من ذكراك داعيها=
ابا أترجم أحاسيسي على صفحه من أوراقي=
وأمانة لودعاك الشوق على غفلة وقريتيها=
تكني كل تنهيدة دعتها لهفة افراقي=
طوينا صفحة أمس اللي قرينا ماانكتب فيها=
وحذرنا من جديد اليوم وعذنا بالله الواقي=

[الطامي]

بعيد المدى
صح السانك ملايين
جزلة وطيبة
ورائعة جدا
شكرا لك

[فارس القوافي]

مساء الفل

ومن العايدين الفايزين


صح لسانك


لاهنت يالغالي


دمت لنا بخير

[منيع]

ابداع وتميز وتجديد
مااجمل ماسطرت من ابيات اخي الكريم بعيدالمدى
بارك الله فيكم
تحياتي وتقديري

[نجم الإبداع]

صح لسانك ياحمود

مصافحه راقيه

لاهنت

تقبل مروري

وتقديري

[الطائر المهاجر]

ارحب ياحمود
كتبت فأبدعت واجزلت
صح لسانك وفكرك
ولاهنت
تحياتي الطيبة

[سعيد الصاعدي]

الاخ الفاضل / بعيد المدى
صح لسانك لاهنت
نص شعري رائع جداااااااا
به الكثير من الشاعريه والتمكن
من شاعر جزل
تسلم ويسلم فكرك يالغالي
تحياتي
أخــــوك
س / ص

[احمد حامد الزايدي]

بعيد المدى

/

صح السانك وزان حالك وفالك الطيب يالقرم

قصيده رائعه وجزله

لك شكري وتقديري

[داعي الشوق]

لله درررررررك يالشاعر حمود

شاعر رائع جدا

و صاحب لمسات جمالية رائعة

صح لسانك يالشاعر صح لسانك

لك كل التقدير و الاحترام

،،،،،،،،،،،،،،،،،،

[نفحات حساسة]

ولكن يوم صديتي على ايش حتى نمنيها

ليامني كرهت الماء كرهت من كرهه الساقي

صح السانك اخوى.. حمود
ولاهنت رائعه كروعتك
يعطيك العافيه..تحياتى لك