.. الواقع المرير ..

[عدنان كريزم]

السلام عليكم ورحمة الله وبركاته


أعتذر عن الغياب وسأحاول ان اعوض التقصير بقدر الامكان ...


قصيدة اتمنى ان ترقى للذائقة العاليه هنا ...

لا تمسح الدمعة إذا طال ما طال = دام الفكر يبكي ودمعه دليله
خل الفرح يكثر على عشق الاموال = وإترك خفوقه سارحٍ بالرذيله
لا صارت الفله على كف طبال = إرقص لها رقصه وعينك ذليله
الوقت يطلبنا مغاوير ورجال = وحنّا نقدم له دمار وفشيله
القدس نبكيها على أوتار موال = وأفعالنا فيها نوادر قليله
يا هيه لا يكثر ترى حيلكم مال = نحتاج للتعديل مده طويله
يا مقبرة (غزة) بطن رملك أبطال = أنفس جليلة في مراتب جليله
في مثلهم نضرب على الناس أمثال = أرواحهم فدوه وما هي بخيله
يا حيف دامك ترتوي من هَنَا الحال = غيرك ما شاف النوم ليله وليله
الشام تصرخ وين بانين الاجيال = والقائد يدمر قبيله , قبيله
يا فاقد الذمه ويا ضيّق البال = ويا عاري الهمه بشلة ضليله
تقتل عيال الناس من شان أقوال = تفرض على شعبك مراره عليله
لا تحسب إنك فوق والناس أرذال = ( يمكن أشوفك يوم بايع بليله )
وإن كان حراسك زحازيح وجبال = ما هم من الجبار حامين حيله
الله كبير وقادرٍ فيك يا ضال = إصبر ترى حكمك قريبٍ رحيله
العين لو تدمع من الجال للجال = ما حركت ساكن وترمش كليله
ضاقت بي البارح مَشَاهد وأحوال = صورتها فكره وقافٍ عديله
شاركت بأبياتي على بُعد أميال = والقرب أصبح حاجةٍ مستحيله
ما تفرق الدمعة إذا صارت أغلال = وما يعرف المغلول من هو غليله
بعيوننا شفنا من الواقع أمثال =وبقلوبنا عِزه تهاوت ضئيله
هذا كلامي داخله ضيم وأهوال = الله يفرجها على غير طيله

وسلامتكم

[ماجد الزيد]

الـــوقــــت يـطـلـبــنــا مــغــاويـــر ورجـــــــال

وحـــنّــــا نـــقــــدم لـــــــه دمـــــــار وفــشــيــلــه


بيت القصيد وزبدة الهرج
جزلة والله جزلة وصح الله لسانك ملايين

[عمر ال شيبي]

الله اكبر ما اجمل القول والفكر
صح لسانك لين ترضى

[داعي الشوق]

صح لسانك مليوون يا عدنان

والحمدلله على السلامه

شاعر جزل و قصيدة طيبه

ولي عودة لاهنت

[الراقي]

صح لسانك مليون على هالمعاني والطرق الجزل وافي فـــــ تقبل مروري
*

*

*

[عدنان كريزم]

المشاركة الأصلية كتبت بواسطة ماجد الزيد

الـــوقــــت يـطـلـبــنــا مــغــاويـــر ورجـــــــال

وحـــنّــــا نـــقــــدم لـــــــه دمـــــــار وفــشــيــلــه


بيت القصيد وزبدة الهرج
جزلة والله جزلة وصح الله لسانك ملايين

اخوي الشاعر الكبير ماجد


اسعدني تواصلك وتواجدك


صح بدنك ولا هنت

[عدنان كريزم]

المشاركة الأصلية كتبت بواسطة عمر ال شيبي

الله اكبر ما اجمل القول والفكر
صح لسانك لين ترضى

ال شيبي


صح بدنك ولا هنت

[عبدالعزيز العمار]

وانت سالم ولاهنت

صح لسانك ياعدنان وجاد بيانك

جزله ووافيه وأهلا بعودتك معنا من جديد

وكل عام وانت بخير

[عدنان كريزم]

المشاركة الأصلية كتبت بواسطة داعي الشوق

صح لسانك مليوون يا عدنان

والحمدلله على السلامه

شاعر جزل و قصيدة طيبه

ولي عودة لاهنت

حياك الله يا الغالي داعي الشوق


ولا هنت ع المرور

[الـزلـزال]

عدنان كريزم

نص مميز ورائع وجميل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دمت ودام لنا حرفك
صح لسانك ملايين ملايين
ولك فائق تحياتي وتقديري