يالله تعاوني على فعل الجميل

[الطامي]

يالله تعاونِّي على فعل الجميل
لاجاني اللي حاجته حاجت عُسر

ويالله عسى ماحتاج لمنِّة بخيل
والمهايطي والمرجله عنده صِفر

وتغنيني يالله عن النذل الذليل
واللي مايقدِّرطول وجهي في امر

وردي العرب واللي روابعهم قليل
عسى البُعد منهم بُعد شمس العصر

وأحب من ذكره ينومس كل جيل
وإلا الردي جعله على مثله نذر

واحب انا رجلٌ يعشق المستحيل
واللي لاجات المُعضِله قام وهدر

ولاحب رَجّالٍ فضفاضي وهبيل
لو مركزه عالي وينسب الى مضر

والناس للناس والكل بالله الجليل
والموت حق حتى لو طال العمر

[الطائر المهاجر]

يالله عسى ماحتاج لمنِّة من بخيل
والمهايطي والمرجله عنده صِفر
ولاحب رجالٍ فضفاضي وهبيل
لو مركزه عالي وينسب الى مضر
انا اشهد
لكن وي تبي تلقى اللي في بالك
الوقت تغير والفلوس تغير للنفوس

صح لسانك ملا يين ولا تكفي
اطيب تحياتي

[الطامي]

صح بدنك عموووو
وشكرا لتعليقك الاجمل
والناس بها الخير ،، لو خليت الدنيا خربت
لاهنت

[منيع]

جمال حرف وابداع وعزة نفس وحكم
شكرا ابومحمد على هذه الابيات الجزلة
تحياتي لكم

[الطامي]

صح بدنك بو حمد
ولاهنت على الكلمات الجميله كعادتك
شكرا لمرورك الراقي

[داعي الشوق]

صح لسانك ومعناك ابو محمد
صدقت في قولك ياشاعر
ولاهنت ..

بشر عن صحة الوالده عساها بخير ؟

[الطامي]

ارحب بو سعد
الوالده بخير يالغالي
انشغلت معها من الرد المباشر
صح بدنك والعين ماتعلى على الحاجب
انا شعار صغير متعلم من عمالقة شعراء الفطاحله
لاهنت

[الطائر المهاجر]

دائما علومك غانمه
صح لسانك
ولا هنت
تحياتي

[الراقي]

صح السانك على هـالجميلــــة
لاَفُض فُوكَ ..
دمت بِكُلِ مَوَدَةٍ

[الطامي]

صح بدنك يالراقي
ولاهنت