يا سيدي والعمر ما يحسب بتعداد السنين؟؟

[سعيد الغامدي]

الامير خالد الفيصل

من مواليد 24-فبراير-1940م وبهذه المناسبه

ترامت على مدى بصري صور شتى للأيام والسنين والأحداث والشخصيات والمواقف

فجاء خالد الفيصل مرسوما في كل معالمها وعلى كل صفحاتها .

فعمر ه مقاربا لعمر الوحدة الميمونة وعطائه يمتد من وفي وعلى صفحات تاريخ

الوطن منذ نعومة أظفاره ... وبهذا تقاس الأعمار ....

أمد الله في عمر خالد الفيصل ( دايم السيف ) ومتعه بالصحة والعافية ..

تحقق لي هذا التفاعل مع هذا الصفحات المضيئة من عمر ( خالدنا ) ( شاعرنا )

حفيد الملك و إبن الملك وعضيد الملوك ...

يا سيدي والعمر ما يحسب بتعداد السنين = ما يحسب إلا بالمهمات الجزال الكايده
وقفات مثلك بالكرامه في سما العزه تبين= دايم علومك في مواقيف البساله رايده
رحلة عمر سبعين عام وفي سجلاتك تزين = بافعالك اللي فكرك الميمون وفتها يده
يا رافع الرايه مثل رفعة سموك بالجبين= شخصك يمثل في وطنا راس مال وفايده
اربع عقود مع الملوك لرفعة الموطن تعين = يا خير من مثل ووفى بالمواقف قايده
يا رايد الفكر العصامي يا ذرى الشعر المكين= لك هيبةٍ مع كل موقف بالمروه زايده
من رأس فيصل جيتنا بالراي والفكر الرزين= وفي رأسك الشامخ دلالات الفراسه سايده
الله حباك الجاه والهيبه مع الفكر الفطين = ما تنظر إلا للمهمات العظام النايده
سبعين عام بمدها كلتا يدا خالد يمين = ولا زالت ايام الزمن تبدي لنا فرايده
مثَّل لنا فيها مقام الدرع والحصن الحصين = الفكر والشعر السوي والجود من عوايده
الله يمدك بالعمر ويشد لك حبل الوتين = يا محيي ٍ بالمرجله عمر السنين البايده

تقبلوا تحياتي

سعيد الغامدي

[محمد عبدالله البدراني]

سعيد الغامدي

سلمه الله


قلت واجزلت ياسعيد

واطال الله عمر الشاعر والرسام والاديب الامير خالد الفيصل


ومليون مليون صح السانك

وعلا شانك


قصيده جزله من جزل والى جزل


لاعدمناك


تحيتي وتقديري

[عمر ال شيبي]

ما قصرت ابد

يستاهل الامير

وصح لسانك لاهنت

تحفه تحفه

[الـزلـزال]

سعيد الغامدي
قصيده وفاء ومحبه
في علم من أعلام مملكتنا الحبيبه
يستاهل نسل الملوك هذا المدح والتمجيد
وتستاهل منا الشكر على وفائك وحرفك المميز
دمت بخير ودام شعرك
صح لسانك ملايين ملايين
ولك فائق تحياتي وتقديري

[عبدالعزيز البليهد]

صح لسانك ولاهنت وابو بندر يستاهل راية الشعر النبطي

[منيع]

اكثر من رائعه
بارك الله فيكم
تحياتي وتقديري

[شجون القصيد]

الله الله عليك

قمة الجزاله ويستاهل دايم السيف

نص عانق السحاب بروعته

لافض فوك شاعرنا

دوما بانتظار جديدك

تحياااتي

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم

[أم ريما]

صح لساااانك

قصيده جميله جدا

ابدعت فيها

يعطيك العافيه

[نفحات حساسة]

الله الله

صح السسسانك مدد..ولاهنت

قصيده رائعه..يستحقها اميرنا وشاعرنا

يعطيك الف عافيه..

وسلمت..