خطو المره من دون رجلٍ يصونها

[الطائر المهاجر]

خطو المره من دون رجلٍ يصونها = ياسرع ما تاقع بكثر المصايب
مثل بقره لاعنفصت من يردها= حتى تطيح بجفرةٍ من لهايب
المخ فاضي جاهزٍ للمشاكل = ولسانها يدور لكثر النشايب
لا العقل يحكمها ولاهي بداريه= عما يسبب فعلها من تبايب
تبي لها تيسٍ بيدها تقوده = وان كان قاوم نبشت للمعايب
نكارة المعروف ماشٍ يسدها= شناية تهرج على كل خايب
تظنها تعسف بعلها بفعلها = من شان يبقى جدار لو كان عايب
يكفي تظلل به اذا الشمس احتمت= ولا من بغت تمشي على ادنى سبايب
ما فكرت بعيالها وش مصيرهم= لا من ربوا ف اليتم والوضع سايب
فبيتٍ بلا رجال يشكم حريمه= يضيع في وقتٍ كثير الشوايب
يعثى به الحصني ولا من يرده= وتختل سيسانه بفعل الهبايب
في مجتمع فيه الحصاني كثيره= تفرح اذا من شافت الذيب غايب
وفي وقت فيه "النت" ياما يخرب= والبنت من تدفع عزيز الضرايب
وياما يهدّم من بيوتٍ رفيعه = تلقط به الخبله خمام الخرايب
من كل فكره وارده ما تناسب = تاخذ بها عن فكر ماهوب صايب
العقل نعمه ينقذ البنت في الدجي= لا صار ليل "النت" ف الشر ذايب

[محمد بن عمار]

أخوي / المهاااااااااااجر
صح لسانك يالشاعر
وبارك الله فيك يابعدي
لاهنت ولاهان غاليك
مودتي لشموخك العذب

[عبدالله راشد الثويني]

صـــــــــــح لسانك ولا هنت

أبدعت وامتعت وصدقت بما تفضلت به من دُرر قد نسجت بقالب شعري راقي

طامعين بجديدك دائما ً

تقبـّـل تحيتي

[جهاد الشعلان]

اخوي واستاذي ابوعبدالله

صح لسانك ملايين على هالقصيده الهادفه والواقعيه

تقبل مروري

[منيع]

اكثر من رائعة
تسلم يادكتور
تحياتي

[الخنساء]

فــي مجتـمـع فـيـه الحصـانـي كثـيـره------تـفـرح اذا مــن شـافـت الـذيـب غـايـب
وفـي وقـت فيـه "الـنـت" يـامـا يـخـرب-------والبـنـت مــن تـدفـع عـزيــز الـضـرايـب
ويـامــا يـهــدّم مـــن بــيــوتٍ رفـيـعــه---------تلـقـط بــه الخـبـلـه خـمــام الـخـرايـب
مــن كــل فـكــره وارده مـــا تـنـاسـب------تاخـذ بـهـا عــن فـكـر مـاهـوب صـايـب
العقـل نعمـه ينقـذ البنـت فـي الدجـي--------لا صــار لـيـل "الـنـت" ف الـشـر ذايــب





صح لسانك مليووووووون ولايكفوووووون

قصيدة جزلة من شاعر متمكن

صدقت وابدعت والله يصلح الحال

سلمت ودام حرفك

[عبدالعزيز العمار]

صح لسانك دكتور

رائعة من روائعك امتعتنا بها

لاهنت ولاهان فكرك

تحياتي لك

[الراقي]

صح لسانك مدد واعتلى شآنك
رائعه بكل مافيها
تحيتي الطيبه لك

[روح الشعر]

مــــا فــكــرت بـعـيـالـهـا وش مـصـيـرهــم
لا مـن ربـوا ف اليتـم والـوضـع سـايـب

قصيده تحمل من النصح المختفي الشي الجميل

هكذا انت دائما مبدع

ودي واحترامي اليك

[حوريه]

صح لسانك رائعه
تحيتي لك
مع التقدير