ميروك على طريق الحب

[عذب القوافي]

شاعر الفطاحلة الأستاذ / مبروك بن ماضي
يطل علينا هذا الصباح من خزامى الصحاري من جريدة الرياض في طريق الحي:

طريق الحب

على نفس الطريق اللي مشوا به قبلي العشاق =مشيت أسابق الخطوة وأمني القلب باحبابه
أنا أدري ان هالدنيا طبيعتها لقا وفراق =ظروف الناس فيها في كثير أحيان تتشابه
ولكن من يصبرني على جور الزمان العاق =جروحي هي وآلامي وتعذيبي من أسبابه
حبيبي كلما همتني الدنيا وصدري ضاق =تذكرتك لقيت الكون أوسع وأكثر إرحابه
فرحت وقلت لابد من نهايه للفراق الشاق =ومات اليأس من كبر الأمل لي صرت أنا أحيا به
حبيب الروح كل مالاح لي من يمكم براق =خفق قلبي وحسيت ان شوقي والغلا ذابه
عللي حبك ينازعني قصيدي واسأل الأوراق =لك الله ما بقي دفتر خلي من شعر وكتابه
وهذي حالة المغرم إذا هامت به الأشواق =يدور له على من يبلغ المحبوب باعجابه
حبيبي وان تفارقنا غرامك يسكن الأعماق =ولكن لي سؤال ينتظر من عندك اجابه
بربك هل مثل ما شتاق لك يا سيدي تشتاق =إذا جبت ابنعم ولا خسارة عمر عشنا به

تقديري للجميع .

http://www.alriyadh.com/2008/01/27/article312553.html

[مبروك بن ماضي]

أخي النبيل الشاعر القدير / عبدالكريم بن خزيم
لم يكن النص شيئاً قبل مصافحة ناظريك
شكراً لهذا التنوية يابو ابراهيم
كم انت بار بأخوك وبنصوصه
لاعدمتك يالوافي
تقبل تحياتي واحترامي الكبيرين
أخوك / ابوفيصل

[الطامي]

الله عليك يابن اخزيم
دائما مبدع
صح بنانك وفكرك الذي نقل لنا المستخبي عن ابو ماضي
ولاهنت

[ابومياس]

شاعرنا القدير بن خزيم لك جزيل الشكر على ايراد رائعة اخونا

القدير مبروك بن ماضي

وبن ماضي يستاهل شاعر كبير

وانت تستاهل نقول لك بيض الله وجك وعافاك الله

دمتم بخير وعافية

[عبدالله البهلولي]

تصبر يالاخو اصبر فهذه حالة المشتاق = يومن بالوصل يرتاح ويومن نسمع اناته
وهذه حالة الايام تفرق بعد وصلن راق=غريبه حالة المشتاق كم يشكوا لحالاته
انا قد ذقت مثلك هم بعد الهم صدري ضاق=كله من هوا منحوس ما كمل بوصلاته

وتسلم عزيزي الشاعر عبدالكريم
على ابياتك الجميله
التي تاتي بالهاجس من العدم

[نجم الإبداع]

شكرا يابن خزيم على الخبر السعيد

ويستاهل شاعرنا مبروك بن ماضي ان تطرز جزالته صفحات الصحف


لاهنت

فائق الاحترام

[خالد العمري]

الأخ الفاضل

مبروك بن مآضي

صح لسانك وسِلم بنانك ورفع شأنك

والشكر موصول للأخ عبدالكريم بن خزيم على التنويه


ويعطيكم العافيه جميعاً

تسلم يمينك ياعبدالكريم

على نقل هالخبر عن شاعرنا

الرائع / مبروك بن ماضي


ألف ألف مبروك وإلى
الامام دائما ً




احترامي وتقديري

[احمد الفارس]

,,,,, صح لسانك ( وطيّب الله فالك )


حبيبـي وان تفارقنـا غـرامـك يسـكـن الأعـمـاق

ولـكـن لــي ســؤال ينتـظـر مــن عـنـدك اجـابـه

بربك هل مثـل مـا شتـاق لـك يـا سيـدي تشتـاق
إ ذا جبـت ابنـعـم ولا خـسـارة عـمـر عشـنـا بــه


,,, كم تتعب قارئها تلك الأبيات ,,,,,, الله يعز مقدارك .... وشاكر لك على هالقصيدة

يسلم بنانك
وصح لسان الشاعر