محاورة الشات الكتابي يوم الاربعاء

[ام العمده]

الطائر

منصور مفلس لو يكبر جرابه=حتى ولو يكتب من الشعر ابيات

الطائر

وفلاح يستاهل نجوم وسحابه=مثله قليله بين لك والوفات

نجم الابداع

الطامي ارقه يشتغل بالرقابه = وعنده عليك اليوم سبعه ملفات

الطائر المهاجر

مبدع وملهم في الشعر والكتابه=ومن غار منه اليوم ميت بحسرات

الطامي المري

ههههههه يالطائر ولا انته زلابه = خلك كذا تاكل مقلقل لحم شات

نجم الابداع

سلمت يالطائر بفصل الخطابه= شاعر تصوغ الجزل وتجيد كيات

الطائر المهاجر

قرب لي الطامي ترى به عيابه= اوسمه فوق الراس لو زاد ونات

الطامي

احذر ولا تنسى الأبر والحبابه = والا ترى السكر يخليك متبات

الطامي

لا يمدحك نجمك ويبدي عجابه = نفخه واطيركم قريب السماوات

سناعيس

الطير له عندك بواقي طلابه= اكيد يالطامي نسيت الغرامات

عبدالله الشويمان

بعض الوقت بالراس يربط عصابه=يشكي مثل شكوى مره عندها انسات

الطامي

عليك به تكفى واجود علابه = نركي عليه من العصى عشر ضربات

الطائر المهاجر

متعود امراض الحريم بشبابه= ومن يوم شيب كالعجز فيه وشرات

نجم الابداع

العاشق الي جاك سايل لعابه = اقرى الفلق وانفثه في سبع نفثات

الطامي

حول عليكم من هل الشرق طابه = من ينتولها ياهل الغرب بسكات

سناعيس

الطير هذا حر ماهو ذبابه = لاتحسبونه مايعرف الحركات

الطامي

رديت ياسنعوس تمدح شبابه = قريب تخروفه ولابه مناجات

نجم الابداع

وش عرف الطامي برمية نصابه= لاقالها الرامي ولاهي من الذات

عبدالله الشويمان

يا ناس من يشري طويرن عثابه=الانفلونزا ولا نبي فيه عشرات

الطامي

ام انت يانجم العروبه نصابه = يضرب بك الهمه ولا به حنانات

نجم الابداع

يؤول المكتوب من كثر مابه = لاصد رمي العود وانهى المهمات

الطامي

خلاك ثم ولا وعذره نشابه = يبي ايتغدى وانت مافيك مزات

الطائر المهاجر

الطير حر ومن سلالة ذيابه= ذيب يطير ولا حسب لارتفاعات

سناعيس

الطامي اللي كل حي يهابه =انا اشهد انه له مواقف وحزات

الطامي

ذيب الى منه ضوى به صوابه = والعذر جاهز غير مافيه حكات

عبدالله الشويمان

بالليل ياسنعوس ابعزف ربابه=اسهر معانا وهات زين المقامات

سناعيس

منصور هو منصور لا يالغلابه = لو تكثرون اللوم في كل الاوقات

الطامي

خلك ياسنعوس لقلبي حبابه = لاهنت ياعود نفعنا بصكات

نجم الابداع

الكاهن الي جاك يقرى كتابه = غير عقول الناس بين المسارات

الطامي

انا اعتذر عندي شغل ياشبابه = المعذره كانه حصل شي عطات

سناعيس

عبدالله بن شويمان حيو جنابه = لامن جر الصوت تقصر مسافات

نجم الابداع

لاهنت يالي لابسن لك ذؤابه=من شاهدك يذكر زمان المطمات

سناعيس

نجم تعلى بالسما ياهلا به = اسمه جديد وله من الطير نكات

نجم الابداع

بقيت ياراعي الوفاء والنجابه=يالي لودك داخل القلب رايات

[رفيعة الشان]

ههههه

الله عليكم يالشياب منتو بهينين

بالله محد صوت علي افزع له ؟

مبدعين والله يخليكم يافطاحلة الشعر

لفطاحلة الشعر

صح الله السنتكم جميعاً شاعر شاعر


لاااهنتووا

ام العمده

لاااهنتي

[صوت الإحساس]

صحت السنتكم جمييييع



ولله دركم

استمتعت


صادق الود لقلوووووووبكم

[زهرة اللوتس]

لله دركم
وصح لسانكم


ولكم

ااجمل التحايا

[محمد عبدالله البدراني]

ياطوووووووووووووول هالمحاوره


ومشاوات الدعوى

مانتم هينين


سلمتم ودمتم يالفطاحله



وسلمت الايادي ياأم العمده



تحيتي

[الطامي]

ام العمده
ههههههههههههههههههههه
شكرا لكي اختي
نقلتيها مباشرة
لاهنتي
وصح السنة المشاركين والمتابعين

[نجم الإبداع]

شكر لنقلك ام العمده

تحياتي لك ولكل

من مر وسيمر

من هنا

[حي الضمير]

والله ابدعتوا وامتعتونا الله يوسع صدوركم بالعافيه
وصح السنتكم يافطاحلة

[المؤذن]

بارك الله فيك
على ما تقوم به
احترامي

[الهامس]

الف شكر
على ماجاد به قلمك
تحياتي الطيبه