المشكله

[سعد الشقحاء]

البارحة فكري مشـتت وحــــــيران=من سبته ضايق وفالصدر ضـــيقه
المشكلة ماهيب صـدن وهجــــران=المشكلة يومي عـرفت الحقــــــيقه
حقيقة اللي كان لـه قدرن وشـــــان=اللي مواثيقه بصـدري عمــيـــــقه
ما كنت اصـدق فيه من كاينن كـان=شخصن اعزه دون كل الخلــــيقه
ما قيل فــيه اقــول زورن وبهــتان=كلفت نفسي فــــــوق مـالا تطيــقه
لكن بعد ما شفت انا شوف الاعيان=هانت علي ذيك العهـود الوثـــيقه
خلاص بعد اليوم فـي ناظري هـان= لاصار ما يحفظ عهودي طــريقه
يا شينها لا طاح من عينك إنســـان=ياشين نكران الصديق لصـــديـقه
وياشين لامن صرت واثق وغلـطان=ياشين طعنات القلوب الرقـــــيقه
من يامن الدنيا على طـول الازمان=لا بد عسرات الليالي تعــــــيـــقه
رحلتك في الدنيا مديــنن وديــــــان=لا حان دينك ممـــهلك لو دقيــقه
هذا كلام التجربه خــــــــير برهان=من وافين ذاق الغــدر من رفيقه
ماهو صحيح ان قال ماهوب ندمان= الا الندم ولع بقــلـــبه حــــريقه
عن واقعن عاشه وعن خافيــن بان=أصبح سرابن مـنه مــــابل ريقه
حتى لو انه جامل الــنـــاس بلـسان=اصبح مع الهوجاس كنه شقــيقه
يمكن مع الايام يســــلى بنــــسيان=مير البلاء نقض الجروح العتيقه

[الأموره]

الشقحـآء

هطول جميل تبارك الرحمن

صح لسانك ملايين يخوي

سلمت و سلم فكرك

الف شكر لك

دمت برعاية الخالق

[همس الورد]

اخــــــــــــــي سعد

صح لساانك مليون وصح بدنك

بوووووح رائع

لاهنت

[الطامي]

الشقحا
ياشين نكران الصديق لصديقه ،،،،،،،،،،،،،،،،، كلام صحيح
صح السانك
ابداع وحقيقه
شكرا لك

[نجم الإبداع]

الله الله

صح لسانك ياسعد

مصافحه راقيه من شاعر جزل


شكرا لاتحافنا

لاهنت


تقبل مروري

وتقديري

[منيع]

ابيات رائعه
تستحق الاشاده والاعجاب
بارك الله فيكم
تحياتي

[الطائر المهاجر]

صح لسانك
ولاهنت
تحياتي

[عبدالعزيز العقيدي]

سعد الشقحاء
تسلم وصح السانك
جزلة من راس جزل
تحياتي لك

[مبروك بن ماضي]

الاخ الكريم:

الشاعر / سعد الشقحاء

قصيدة رائعة

إستمتعت بقراءتها

صح لسانك ولاهنت

لكِ أجمل التحايا

[منصور العبدالله]

يا شينها لا طاح من عينك إنسـان
ياشين نكران الصديـق لصديقـه

وياشين لامن صرت واثق وغلطان
ياشين طعنـات القلـوب الرقيقـه

من يامن الدنيا على طول الازمان
لا بـد عسـرات الليالـي تعيقـه


صصصصصصصصصصصصصح لساااااااااااااااااااانك ياسعد

صدقت وربى

ولجزل القصيد اسمعت وامتعت



ارتقب جديدك دائما يا جزل

واروت ذائقتى هذه الوارفه