حبنا يا نور عيني لاتطيع

[مجدي صالح المبارك]

كتبت هذه القصيدة مجاراة لقصيدة الشاعر الكريم ( ساري ) وهي قصيدة ( نور عيني ) التي يقول فيها :

حبنا يا نـور عينـي لا يضيـع=احفظه حتى يلـم ابنـا اجتمـاع
اشتري حبـك ولاكـن ماتبيـع=كيف تنهي عشرة العمر بضيـاع
ياخلي القلب قلبـي لـك وديـع=آمر امرك ياهوى بالـي يطـاع
عينك بنظراتهـا الخجـلا تبيـع=ماتخفى في اللقا وعنـد الـوداع
عجل بوصلٍ على قلبي سريـع=وارفع لحبي مدى عمرك شـراع
والعجب من صورة الحسن البديع=خدك الصافي تقل برق الشعـاع

وكانت مجاراتي لها بهذه القصيدة التي كان لي شرف إدراج اخي العزيز والشاعر ابراهيم بن حمد ( منيع ) من ضمن الطرح التخيلي في القصيدة أرجو ان تنال على جزء من استحسانكم

حبنا يـا نـور عينـي لا تطيـع=اهجره من غيـر تلويـح و وداع
دام فينا الوصل مذبـوحٍ رضيـع=اقطع حبال الهوى وفض النـزاع
مايفيد الصبر باحسـاسٍ وجيـع=ولا تفيد العبرة من غيـر اقتنـاع
الخفوق اللي على خبرك ضليـع=في دروب الحب له خبرة و بـاع
بعد بُعدك طاح من همه صريـع=والهوى العذري رخص دمه و باع
صحت فزعة ياهل الشان الرفيـع=ماستجاب الصرختي حتى الرعاع
لين ما اقبل قايد الحـرف البديـع=من شعاع الشمس للخفَـاق سـاع
قال من لاياصلك ما هـو ربيـع=و كم مغرم في مدى الأوهام ضاع
لا تغرك نظـرة الحمـل الوديـع=من دواهيها يروح الذيـب قـاع
دوس قلبك بس سـرك لا تذيـع=وحد شرعي للجفا الفيـن صـاع
قلت ودي ميـر مانـي مستطيـع=انسى من حبه نخر حتى النخـاع
شق صدري وانت تدري يا منيـع=ان مافي القلـب خانـة للخـداع
قصتي يرويها لك طـرفٍ دميـع=له ثلاث شهور عايش في صراع
كلما قلت الهجـر خـان الوسيـع=والقلوب الخضرا تعشق باندفـاع
حب أعمـى للنصايـح مايطيـع=مركبه ساري بلا صاري وشراع
ينخدع يسكت يداري بـلا شفيـع=في رجا يتغيـر الحـال ويـراع
يا خلي الهم انـا لهمـي رجيـع=شايل جروحي على متني متـاع
مابقى لورود قلبـي مـن ربيـع=جفت الدمعـات وانكـف اليـراع
ليت هذا الحـب يذبحنـا جميـع=دام مافي العمر فرصة لاجتمـاع

[داعي الشوق]

صح لسانك يالشاعر مجدي

مجارات جميلة و رائعة

من شاعرين كبيرين ،،

صح لسانك و لسانه

دمتوا مبدعين

تحيتي و تقديري

[رفيعة الشان]

مابقى لورود قلبـي مـن ربيـع
جفت الدمعـات وانكـف اليـراع
ليت هذا الحـب يذبحنـا جميـع
دام مافي العمر فرصة لاجتمـاع
نص جميل شاعرنا المبارك
ذو معاني جميلة
صح الله لسانك

ولاااهنت

[عذب القوافي]

الجزل / محمد المبارك

صوت وصدى ولا أروع

صحيتو السنتكم جميعا ً

تقديري ,,,,,,,,

[زهرة اللوتس]

صوت وصدى لشاعرين مبدعين
سلمت وسلم فكرك
جزلة من شاعر جزل
لاهنت وبيض الله وجهك
تحباتي
وتقديري

[الطامي]

مجدي
صح السانك اخي
مجاراة طيبه لاهنت

[سناعيس]

صح لسانك يامجدي
وبيض الله وجهك
لاهنت


تحياتي

[سعد الشقحاء]

صح لسانك
واعتلا شانك
ولا هنت على القصيده
الرائعه

[محمد عبدالله البدراني]

مجدي صالح المبارك


سلمه الله



صح السانك

وعلا شانك


ومجاراه رائعه


لاهنت يامجدي


ولاعدمناك يالغالي


تحيتي وتقديري

قصيده رااائعه رااائعه راائعه

صح الساانك مليوون ولا يسدوون

مابقى لورود قلبـي مـن ربيـع
جفت الدمعـات وانكـف اليـراع
ليت هذا الحـب يذبحنـا جميـع
دام مافي العمر فرصة لاجتمـاع

لله دررررررررررك

موج القصيد