في الفطاحل تعرف الشخص باسلوبه

[الطائر المهاجر]

في الفطاحل تعرف الشخص باسلوبه= يتضح معدنه بالفرك من بدري
احد ثابت على مبداه بدروبه= واحد يبحث عن الشهوات كالخكري
واحد مظهره رجل يعجبك ثوبه= لكن بداخله ثعلب من المكري
لا لقى اسم الأناثي بان عذروبه = راح يبحث يبي عنوان لو ندري
واحد تسمع كلامه تعلي رتوبه= وفي الخفاء بالمسنجر جالس يهذري
فارغ القلب صاير كنّه العوبه= وكل وحده وراها دايمٍ يجري
لو يظنه ذكي في دفن عذروبه= واهمٍ ما عرف بالكون وش يجري
لو سترنا عليه فندري عيوبه = آملينٍ يصحّح ضامرٍ نخري
لا تغرّه حروف اعجاب مكتوبه= او رسالة غرام تنسخ بيسري
ومن يظنه بمأمن جاته عقوبه = في المحارم وهو سدران مايدري
واحد منحل مما تنسف غروبه= واضح انه يعيش العمر في فجري
مثل هذا ولو حاولت بصعوبه= تعدّله ما تعدل غاوي العهري
الدوا كيّةٍ في بطن عرقوبه = تمنعه ما يجي في دربك السفري
الفطاحل نقي وما اتجه صوبه= غير منهو نظيف وللنقاء يشري

[مبروك بن ماضي]

بن ماضي هو :
الأول إبتهاجاً وتشرفاً بقراءة هذا النص الرائع

نص ثري يا دكتور
هكذا عهدي بك شاعر العلم
تكتب وتبدع وتسمو بإبداعاتك
فانت كالغيث أينما وقع أمتع ونفع !
أدامك الله بهذة الشاعرية الفذه
ودمت لنا وللشعر يالطائر المهاجر
تفضل بقبول تحياتي واسمى اعتباري

[ابومياس]

الفطاحل نقي ومـا اتجـه صوبـه
......................غير منهو نظيف وللنقـاء يشـري

ادام الله هذا الصرح بنقاء

ومجمع للشرفاء

نص يحكي شيءٍ من الواقع

صح لسانك يابو عبدالله

وبيض الله وجهك

دمت راقي

[إستبرق]

الفطاحل نقي ومـا اتجـه صوبـه
غير منهو نظيف وللنقـاء يشـري


صـح لسانكـ ملاييـن وجهودكـ اهي الي خلت الفطاحـله غير عن باقي المنتديات

يسعدني ان اصافح هالنص الراقي ودمـت على مبـادئكـ وأخلاقكـ الراقيـه .


آرق التحـآيآ

إستبرق

[حي الضمير]

ونعم بالفطاحل اعضاء وأداره وشهادتي فيهم مجروحه
لكن لابد من وجود ضعاف النفس ولاتخلى منهم المنتديات
وهم ان شاءالله قله في هذا المنتدى الرمز..
ومن يدير دفة هذا المنتدى الرائع نحسبه والله حسيبه
من انقى الرجال ومن خيرتهم
لذا والله اقولها وانا صادق الفطااااااحله غيررررررررر
فيه اشياء كثيره تجذب المتابع وعلى رأسها العدل والتعامل الصادق
البعيد عن التكلف والمجاملات الزائفه

والف صح لسااااااااانك يابوعبدالله
وكثر الله من امثالك احترم الشعر جدآ عندم اقرأ لك

[ابراهيم عبدالحميد]

الطائر المهاجر

دائماً أتجول بين صفحاتك لأنهل من تألقك و إبداعك الراقى
سلمت يداك أخى الحبيب و دام نبضك المتميز

دمت و سلمت و غنمت

[ابو أنس]

صرح شامخ بني والطهر اسلوبه=من بدا واضح(ن)اسلويه العذري

الفاضل ابو عبدالله.................
سيرة عطره ومسيرة حافله وطاقم مشرف ومفخره
نسأل الله لك الصحة والعافيه ودوام التوفيق
وللفطاحلة الرقي والإستمرار
كما نسأل الله الا لانكون من المشمولين بهذا النص المعبر
لك كل الشكر

[الخنساء]

في الفطاحل تعرف الشخص باسلوبه
يتضح معدنه بالفـرك مـن بـدري
احد ثابـت علـى مبـداه بدروبـه
واحد يبحث عن الشهوات كالخكري
واحد مظهره رجـل يعجبـك ثوبـه
لكن بداخلـه ثعلـب مـن المكـري
لا لقى اسم الأناثي بـان عذروبـه
راح يبحث يبي عنوان لـو نـدري
واحد تسمع كلامـه تعلـي رتوبـه
وفي الخفاء بالمسنجر جالس يهذري
فارغ القلـب صايـر كنّـه العوبـه
وكل وحـده وراهـا دايـمٍ يجـري
لو يظنه ذكي فـي دفـن عذروبـه
واهمٍ ما عرف بالكون وش يجـري
لو سترنـا عليـه فنـدري عيوبـه
آمليـنٍ يصحّـح ضامـرٍ نـخـري
لا تغرّه حـروف اعجـاب مكتوبـه
او رسالة غـرام تنسـخ بيسـري
ومن يظنه بمأمـن جاتـه عقوبـه
في المحارم وهو سدران مايـدري
واحد منحل ممـا تنسـف غروبـه
واضح انه يعيش العمر في فجـري
مثل هـذا ولـو حاولـت بصعوبـه
تعدّله مـا تعـدل غـاوي العهـري
الـدوا كيّـةٍ فـي بطـن عرقوبـه
تمنعه ما يجي في دربـك السفـري
الفطاحل نقـي ومـا اتجـه صوبـه
غير منهو نظيف وللنقـاء يشـري










صح لسانك مشرفنا
لاهان را سك قصيدة رائعه
وهادفه تترجم الواقع
سلمت وسلم شعرك
دمت بخير

[ابوعبدالرحمن القريشي]

تغرّه حـروف اعجـاب مكتوبـه
او رسالة غـرام تنسـخ بيسـري
ومن يظنه بمأمـن جاتـه عقوبـه
في المحارم وهو سدران مايـدري

كلام في الصميم يابو عبدالله

من يغوص اعماق البحار فسيجد الدرر
وهكذا انت .

دمت بود

[النهج المختلف]

الفطاحل نقي ومـا اتجـه صوبـه
غير منهو نظيف وللنقـاء يشـري


الطائر المهاجر صح السانك ,,,,
قصيدة رائعة من شاعر جزل ومتمكن ,,,,
لاهنت يابوعبدالله ولاهان راسك أبدعت ,,,,
الله يعطيك العافية ما قصرت يالغالي ,,,,
تحياتي وتقديري ,,,,