[ وبا الـنـِتْ ]>> قصيدة نصيحة

[مبروك بن ماضي]

(وبا الــنـت )

لو نفترض صابك وبى النت وادمنت =واشغلك ( شاتك) عن أدى واجباتك
كـم طاعـةٍ لله فيهـا تهـاونـت =كم فرض في الجامع خسرته وفاتك
كم غرك الشيطان واخطيت واذعنت =وارخصت له في غفلةٍ منك. ذاتـك
دنياك هذي لـو نظـرت وتمعنـت =فيهـا. تـرى ماتنفـع إلا صلاتـك
أبا انصحك وانت أسمع النصح لاهنت=من دون ذكر الله وش هي حياتـك
سبّح وهلل واذكر اللي بـه آمنـت =واستغفره . واسألـه دايـم ثباتـك
واشكره لولا فضل ربك لمـا كنـت =أصلاً عرفت (النت) ولاكان جاتـك
وفي النت لو ظللت بعقول كم بنـت =عز الله إنك مـا بلغـت أمنياتـك!
تدرك مدى كبر الخطـأ لوتيقنـت؟ =ترضى باحد إنـه يعاكـس خواتـك
محدٍ على الفعل الردي قايلْ أحسنت =ومحدٍ يخاف الله. يسـوي سواتـك
على دروب الطيب لو مـا تمكنـت =تمشي عدل فاحذر من إمغامراتك
ومهما تباطيت العقـاب و تطمنـت =لا بُـد ماتلقـى جـزاء سيئـاتـك
أقولها وبْعالي الصـوت لـو إنـت =عاقل عليك الله فـق مـن سباتـك

مـبــروك بـــن مـاضــي

[مجدي صالح المبارك]

الشاعر القدير ( مبروك بن ماضي ) الله الله عليك وعلى رقي بوحك وسمو حرفك , صح لسانك وجاد بيانك على هذه الرائعة , تقبل تحياتي مع فائق التقدير .

[داعي الشوق]

يالشاعر مبروك بن ماضي

و



و صح لسآآنك

على القصيدة الطيبة

و

[منيع]

ياسلام عليك ياابن ماضي
ابيات لهاابعاد في الحكمه والنصح
بارك الله فيكم
دمت بخير وعافيه
تحياتي وتقديري

[الطائر المهاجر]

تميز في الإبداع
وجزله من راس جزل
سلمت وصح لسانك
ولاهنت
تحيتي واحترامي

[نجم الإبداع]

صح لسانك يامبروك

والله يرحم الحال

لاهنت

تقبل مروري

وتقديري

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز

[سناعيس]

أبا انصحك وانت أسمع النصح لاهنت
من دون ذكر الله وش هـي حياتـك

الله الله
مبروك بن ماضي
صح لسانك ولله درك
نصائح اجتماعية رائعه وجزله
ولا تستغرب من شاعر متمكن
لاهنت


تحياتي

[عذب القوافي]

صح لسانك أبوفيصل

نص وافي من وافي

سعدت بمرورك الكريم

تقديري ,,,,,,,

[الـزلـزال]

وفي النت لو ظللت بعقول كم بنـت=عز الله إنـك مـا بلغـت أمنياتـك!
تدرك مدى كبـر الخطـأ لوتيقنـت؟=ترضى باحد إنـه يعاكـس خواتـك

مبروك بن ماضي
قصيدة نصح متقنه في توجيهها وفي معانيها
من شاعر جزل ومبدع ومتمكن
أبدعت مبروكنا بكل جزالة وأقتدار
وليس بغريب عليك ذلك
صح لسانك ملايين ملايين
ولك فائق تحياتي وتقديري