يــا شــوق لا تقسى على قلـب محــرووق ..

[داعي الشوق]

تذوب في صمت الحكي نبرة الشوق = و تبقي الاماني بالضماير جميله
حبيسة الأنفاس عن كل مخلوق = متعلقه بين الضلوع النحيله
تستآمن الاحداث و احلامها فوق = يا عل بالاسباب تلقى وسيله
لحظة مناها تنتظر غيث و حقوق = يروي ضمى روحٍ عناها تشيله
من حملها تشكي غرابيل و عقوق = على ركام احزانها كل ليله
تقضي لياليها ليا حزة شروق = بين الرجا و أضغاث حلم و قتيله
كن الأمل من دونها باقها بوق = و صارت تشوف الهيّنه مستحيله
يا عسر لحظات الوفا بوقت مسروق = من مدة يدين الحظوظ البخيله
طاح الرشا مع دلوها و يبست حلوق = زودٍ على ذيك الحمول الثقيله
ياشوق لا تقسى على قلب محروق = له غايةٍ عنها المسافه طويله

[منيع]

ياسلام عليك
مبدع ورائع
دمت متألقا
تحياتي لكم

[عيادة الجهيلي]

الله الله الله لله درك لله درك لله درك رائعه يارائع

[عيادة الجهيلي]

الله الله الله لله درك لله درك لله درك رائعه يارائع

[عبدالله راشد الثويني]

عذب ياسعود كعادتك وتملك حس مرهف واحرف راقيه ومفردات مميزه تميزك عن غيرك بطريقه حبكك لها
صح لسانك يابعدي ولا هنت
كل الشكر على إمتاعنا
طامعين بجديدك دائما

[داعي الشوق]

المشاركة الأصلية كتبت بواسطة منيع

ياسلام عليك
مبدع ورائع
دمت متألقا
تحياتي لكم

صح بدنك اخي منيع

و مشكوور علي مرورك الغالي

مع تحياتي لكم

ولاهنت

[الطائر المهاجر]

صح لسانك ياقيس
ابدعت واجدت
وللقلوب عانقت
بهذا النص الراقي
تحياتي

[حي الضمير]

قصيده رائعه وكاااايفه
ابدعت حيل شاعرنا الكبير ابوسعد
مدد صح لسااانك

[احمد الكثيري]

سلمت وشكرا لك على هذه القصيده الجميله
لا تحرمنا جديدك

[سناعيس]

لـــه غـايــةٍ عـنـهــا الـمـسـافـه طـويـلــه

الله الله
ياسلام عليك يابو سعد
صح لسانك ولاهنت

تحياتي