![]() |
رقم المشاركة : 1 | ||
|
قال منصور في هرجٍ قديم= من اكل للفول لزمٍ انه ينام(الطائر)
ينتفخ بطنه وعظمه كالرميم = شايل الكرشه وتطرده المدام(الطائر) وانت ياعثمان يامال الغنيم= لاتسب الفول يالشيخ الهمام(فلاح) اشهد ان الفول في جده ذميم= بالحراره تلهم المويه لهام(الطائر) من اكله الصبح عبوا له قسيم = كم يخالف يحسب ان الخط شام(فلاح) متنحٍ فكره ويمشي كالبهيم= مايعرف انه ورا وإلا امام(الطائر) لاتدق الفول بالله بالصميم= نعمة المولى وهو ظمن الكرام(فلاح) ومشكله لاصرت في وقت العتيم= مذنٍ او انت في المسجد امام(الطائر) يالفطاحل ضوكم فيها هشيم = اكرموها بالدلال وبالمقام(المري) لاتقول الفول من طبعه غميم = هو طعام الناس مثله مايظام(فلاح) توذي اللي واقفٍ او هو مقيم= من كبر كرشته مرخي للحزام (الطائر) ول ياذا العود من ذات الرقيم= مايدور غير في علو المقام (فلاح) الشهاده ماحضرناها مليم = ماشهدنا كون بالعلم التمام(المري) كل شايب يشتكي لو هو سقيم= شك في نفسه بعجز ومايلام (الطائر) انشدوا الفوال في حي النسيم= كل يوم العود عنده بالزحام(فلاح) حاضرين بالدكاتر ياحليم = عندنا طبٍ يعالجكم شمام(المري) ولا حضرت لمجلس رجال عظيم= انتبه لاتطيح واعظامك هشام(الطائر) كية بالراس واخرى بالصميم = من بغى زودٍ نزيده باحترام(المري) مرحبا يالمري اما انته حكيم= مير لاتقرى على راعي الزكام(فلاح) ان قرينا بالجماعه يامديم = كلهم في ذا العشي يرقو سنام(المري) ماعرفنا الي يبينا ولا الخصيم = كل واحد سل سيفه باهتمام(فلاح) وان خبطنا الارض في وجه اللزيم = ما علينا نعوضه فيها بسلام(المري) زارني رجلٍ تعرفونه هميم= غير ماكل فول محري بالسقام(الطائر) يافلاح الخير مالك والزويم = لاتشارك واحدٍ يطلب غرام(المري) ماحلى القهوه مع تمر القصيم= خل صحن الفول مافيه اعتصام(فلاح) وانت يالطاير تحوم وثم تهيم = غير شوفك ماتهنى ياهمام(المري) اطلق الضحكه وينوي بالسليم = مادرى انه ضاربٍ بكل السهام(الطائر) ولاجتمع فلاح مع عودٍ حشيم = عزتا للمنتدى فيه ارتطام(المري) الحقوا منصور جاه اليوم جيم= غرس الموتر وهو وسط الظلام(فلاح) |
||
![]() |
![]() |
رقم المشاركة : 2 | ||
|
الفول عامل فيكم عمايل |
||
![]() |
![]() |
رقم المشاركة : 3 | ||
|
ابو مياس |
||
![]() |
![]() |
رقم المشاركة : 4 | ||
|
شكرا لك |
||
![]() |
![]() |
رقم المشاركة : 5 | ||
|
بارك الله فيك |
||
![]() |
![]() |
رقم المشاركة : 6 | ||
|
شكراً لما امتعتنا به |
||
![]() |
![]() |
رقم المشاركة : 7 | ||
|
شكرا لك |
||
![]() |
![]() |
رقم المشاركة : 8 | ||
|
مشكور |
||
![]() |
![]() |
رقم المشاركة : 9 | ||
|
شكرا لك |
||
![]() |
![]() |
رقم المشاركة : 10 | ||
|
وفقك الله |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
محاورة من الشات | الطائر المهاجر | ساحة المحاورات | 15 | 16-12-2010 06:50 AM |
محاورة الشات طازه اليوم الثلاثاء | نجم الإبداع | ساحة المحاورات | 15 | 16-12-2010 06:50 AM |
محاورة الشات السريعه 9/3/08 ظهرا | الطامي | ساحة المحاورات | 15 | 16-12-2010 06:50 AM |
محاورة الشات (1)الخميس ظهرا 13/3/08 | الطامي | ساحة المحاورات | 15 | 16-12-2010 06:50 AM |
جنيه تواعد الشباب في الشات راح تنبهرون من القصه.!!!!!! | بارقةأمل | وسع صدرك | 24 | 09-12-2010 01:26 AM |