ليت العيون اللي بسهمه .. رمنٌـا ..!

[عبدالله راشد الثويني]

السلام عليكم ورحمة الله وبركاته

أضع بين أيديكم هذه الأبيات لعلها تنال القليل من إعجابكم

.
.
.

ياصاحبِـي كل الخلايق تمنـٌا=وانا تمنٌا مثل باق الخلايق
إن جيت تسأل قلت يابو مهـنٌا=بقول لك كل العلوم الوثايق
البارحه قلبي من الضيم ونٌا=محتار من زود البهاذيل ضايق
يومه طرالي زولها لا تدنٌا=زادت على قلب المولٌع حرايق
هاجوس شعري با الحروف إستجنٌا=والنوم راح النوم والفكر فايق
قمٌت أستعير بوصفها كل فنٌا=لعلي أقدر وصفها با الحقايق
الخصر أسطوره،،ليامن تثنٌا=فيها الدلع ياخوك با الحيل لايق
لامن حكت يارب .. لا تمتحنٌا=لقلوب من يتبع هوى الغيد بايق
يالعنبو دآره .. علينا تجنٌا =يذبح ولا همٌه .. يسولف ورايق
عزٌ الله اللي شافها ماتهنٌا=يسلك بهاجوسه جميع الطرايق
ياما إنتظرت وقلت ليته يحنٌا=من بعدها ياماحسبت الدقايق
طال إنتظاري والهوى ماحضنٌا=مابيننا حالت ضروف وعوايق
مالوم قلبي كل ماحن غنٌا=يسوقني لمجاذب القاف سايق
ليت العيون اللي بسهمه رمنٌا=ترحم صويب(ن) للعنا صار ذايق
أو ليت قلبي في غرامه تأنٌـا=ولا شال حمل(ن) فوق ماهو بطايق
أسلٌي الخافق عسى يرجهنٌا=من سبٌته .. كنٌي وهمٌي رفايق
ياخافقي في ذكرها لا تعنٌا=دنياك هذي .. كل أبوها وفايق

كل الشكر لمن عطر صفحتي المتواضعه بتواجده

[صنداح الزلامى]

عبدالله الثويني
صح لسانك قصيد ة



جميلة من شاعر متمكن





اعجابي واحترامي لك

[صوت الإحساس]

الله الله


حضووووووووووووووور مبهر

لله درك عبدلله



لك صادق الود


روعه وجمال


من الاجمل دوما

[سناعيس]

الله الله يالسمح
عبدالله الثويني
لله درك

مالـوم قلبـي كـل ماحـن غنٌـا
يسوقني لمجـاذب القـاف سايـق

وانا بعد ما الوم قلبك
ما اقول الا صح لسانك
على هذه الباذخه

لاهنت


تحياتي

[عبدالله راشد الثويني]

المشاركة الأصلية كتبت بواسطة صنداح الزلامي

عبدالله الثويني
صح لسانك قصيد ة



جميلة من شاعر متمكن





اعجابي واحترامي لك

الغالي والمُبدع صنداح الزلامي
مرورك شرف .. كل الشكر يا الغالي
ولا عدمنا تواجدك
وُدي

[داعي الشوق]

صح لسانك يالسمح

جزل ولا تجيب إلا الجزل يا عبدالله

إبداع متجدد وليس غريب منك

أمتعتنا بهذا الامتاع في المعنى والكلمة

صح لسانك مع التحية والتقدير لك

،،،،،،،،،،،،

[مبارك أبوظهير]

الثويني عبدالله



صح بوحك / روحك



إعجابي / غلاااااااااااي



م ن

[الـزلـزال]

عبدالله الثويني

طال إنتظاري والهـوى ماحضنٌـا=مابيننا حالت ضـروف وعوايـق
مالـوم قلبـي كـل ماحـن غنٌـا=يسوقني لمجـاذب القـاف سايـق

حنين عارم اجتاح هذه القصيده بكل روعه وأتقان

كما شاهدنا اوصاف للمحبوب رائعة الجمال

كست القصيده الروعه والجزاله

صح لسانك ملايين ملايين غالينا

ولك فائق تحياتي

[سعيد الصاعدي]

الاخ الفاضل / عبد الله الثويني
صح لسانك لاهنت
نص شعري راقي
من شاعر متمكن
تسلم ويسلم فكرك يالغالي
تحياتي
أخـــــــــــوك
س / ص

[مبروك بن ماضي]

الاخ الفاضل الشاعر / عبدالله الثويني

صح الله لسانك وقلبك أخي العزيز

مبدع وممتع كما عهدتك دائماً

دمت بهذا الألق

إحترامي وتقديري