الله يسامحك!!

[سعيد مقبل الأكلبي]

مادام ياصاحبي طفّيت جوالك=فالله يسامحْك وانا الله يسامحني
كنت احسب ان اتصالي جاي في بالك=واثرك مثل ماتمازحهم تمازحني
ماغير تلعب على اللي يبغي اوصالك=واليوم اظنّك على اللعبه مرشحني
من يعجبك ودّك انه ميّت قبالك=وانا لا ذلحين والله منت ذابحني
انا عزيز الجناب ولا يورّا لك=انّي باجي دايمٍ والشوق فاضحني
لو كان مافي حياتي غيرك لحالك=لاشفت مالي قبول اقول ريّحني
لاصار همّك خروجك قبل مدخالك=خلك على الباب برّا لا تفرّحني
لا انتب لا مستاجرٍ عندي ولا مالك=ولا نيب خسران فيك ولا انت رابحني
واللي حصل بيننا محدٍ عنه سالك=وما عاد افاتحْك فيه ولا تفاتحني
ماكل شيٍ تمنّاه يتهيّالك=هذا كلام الصراحه غير صارحني
هو ذي طبيعه معك والا كذا حالك؟=يوم انت تنسى اسمي وتوّك مصافحني!!

[الطائر المهاجر]

سلمت
وصح لسانك وقلبك
ولا هان راسك
جزلة من جزل
تحياتي

[نجم الإبداع]

الله الله

صح لسانك ياسعيد

مصافحه راقيه

لاهنت

تقبل مروري

وتقديري

[الـزلـزال]

سعيد الأكلبي
بوح متقن ورائع وجزل
من شاعر تعودنا منه تقديم كل مميز وراقي
شاهدنا في هذا البوح عتب كما شاهدنا شموخ شاعر
صورتها لنا بكل تميز وجزاله
دمت سالم ودام بوحك الجزال
صح لسانك ملايين ملايين
ولك فائق تحياتي وتقديري

[صنداح الزلامى]

الشاعر القدير//سعيد مقبل الاكلبي

صح لساااااااانك قصيدة عذبة ومن شاعر

عرف عنه السبك والحبك للقصائد وجماليات الحرف

اعجابي واحترامي ودمت بخير

[ابو تواف]

الله الله

تسلم ياشاعرنا المميز

قصيده رائعه

ابدعت فامتعت لافض فوك


تقبل مروري وودي


ولي عوده لمعانقة الجمال

لاهنت يالغالي

[الفنان فهد]

تسلم قصيده حلوه والله يجازي من اخترع الجوال بارك الله فيك وتقبل مروري

[عمر ال شيبي]

صح لسانك لا هنت
جميل ومبدع كما عهدتك دوم

[سعيد الصاعدي]

الاخ الفاضل / سعيد مقبل الأكلبي
صح لسانك لاهنت
نص شعري رائع جدااااا
من شاعر متمكن
تسلم ويسلم فكرك يالغالي
تحياتي
أخـــــــوك
س / ص

[سناعيس]

الشاعر سعيد الاكلبي
صح لسانك ولله درك
ولاهنت

تحياتي